Jelide Aıgúl Qyryqbaeva esimdi azamatsha Aqtaý qalasynyń ataýyn «Shevchenko» dep ózgertý týraly petıııa jarııalady, dep habarlaıdy «Adyrna» tilshisi.
Ol osylaısha ýkraın halqyn qoldaýǵa bolady dep oılaıdy.
«Kaspıı teńiziniń jaǵasynda ornalasqan Aqtaý qalasy 30 jylǵa jýyq ýaqyt ishinde bir kezderi Qazaqstanǵa jer aýdarylǵan uly ýkraın aqyny, jazýshy, etnograf jáne sýretshi Taras Shevchenkonyń esimimen ataldy. Sońǵy jahandyq saıası ózgeristerge baılanysty qazaq jerindegi ýkraındyq murany qoldap, Aqtaý qalasyna tarıhı «Shevchenko» ataýyn qaıtarǵymyz keledi.
Óıtkeni Taras Grıgorevıch óz Otanynyń naǵyz patrıoty boldy. Onyń damýy men gúldenýine alańdap, qarapaıym ýkraın halqynyń qaıǵy-qasiretine shyn kóńilmen qarady. Sol sııaqty Ýkraına topyraǵyna kelgen qazirgi qaıǵy qazaqstandyqtardy da beı-jaı qaldyrmaıdy. Júz myńnan astam adam qaza tapty. Infraqurylymdar qırady. Júzdegen otbasy kóship ketti.
Baýyrlas ýkraın halqyna nemquraıly qaramaý jáne erekshe yntymaqtyń belgisi retinde qalamyzǵa «Shevchenko» ataýyn qaıtarýyńyzdy suraımyz»,—dedi belsendi.
