جاس ماماندار انت قابىلدادى

1968
Adyrna.kz Telegram

كونستيتۋتسيا كۇنى اياسىندا ۇيىمداستىرىلعان شارادا الماتى وبلىسىنداعى 38 جاس مەملەكەتتىك قىزمەتشى انت قابىلدادى.

جيىندا وبلىس اكىمىنىڭ ورىنباسارى ءلاززات تۇرلاشوۆ ءسوز سويلەپ، بيىل وتكەن رەفەرەندۋم ەلىمىز ءۇشىن ەلەۋلى وقيعا ەكەنىن اتاپ ءوتتى.

«سىزدەردى ەلىمىز ءۇشىن ەڭ ماڭىزدى مەرەكەلەردىڭ ءبىرى – قازاقستان رەسپۋبليكاسىنىڭ كونستيتۋتسياسى كۇنىمەن شىن جۇرەكتەن قۇتتىقتايمىن. بۇگىنگى مەرەكە-بۇل جاس مەملەكەتتىك قىزمەتشىلەر ءۇشىن سالتاناتتى انت قابىلدايتىن ۇمىتىلماس كۇن. «بىرلىگى بەكەم ەل مىقتى» دەگەن ءسوز بار، ءبىز ورتاق مۇددە مەن بيىك ماقساتتارمەن بىرگە جاڭا قازاقستاننىڭ دامۋى مەن قۇرىلۋىنا ءوزىمىزدىڭ ەلەۋلى ۇلەسىمىزدى قوساتىنىمىزعا سەنىمدىمىن", - دەدى ول.

جالپى، وڭىردەگى جەرگىلىكتى اتقارۋشى ورگانداردا 2321 مەملەكەتتىك قىزمەتشى جۇمىس ىستەيدى.

«جىل باسىنان 108 جاس قىزمەتشى مەملەكەتتىك قىزمەتكە قايتا قابىلدانعان. مەملەكەتتىك قىزمەتتەگىلەردىڭ 15 پروتسەنتى جاستار. ولار كۇن سايىن حالىقتىڭ يگىلىگى ءۇشىن ەڭبەك ەتىپ، بىلىكتىلىكتەرىن كورسەتىپ كەلەدى. مەملەكەتتىك قىزمەتكە قادام باسقان جاس مامانداردىڭ الداعى جۇمىسىنا تابىستار تىلەيمىن»، - دەپ اتاپ ءوتتى قر مەملەكەتتىك قىزمەت ىستەرى اگەنتتىگىنىڭ الماتى وبلىسى بويىنشا دەپارتامەنتىنىڭ باسشىسى ءلاززات بەيسەقۇلوۆا.

­

شارادا مەملەكەتتىك قىزمەتكە جاڭادان اياق باسقان اسەل قالمۇحانوۆا دا بۇل قىزمەتتىڭ ۇلكەن جاۋاپكەرشىلىگىن سەزىنەتىنىن جەتكىزدى.

«الدىمەن بارشاڭىزدى الداعى كونستيتۋتسيا كۇنىمەن قۇتتىقتايمىن. ويتكەنى بۇل مەرەكە ءبىز ءۇشىن ەڭ مەيرامداردىڭ ءبىرى. بۇل كۇن – مەن ءۇشىن وتە ماڭىزدى كۇندەردىڭ ءبىرى. سەبەبى، بۇگىن مەملەكەتتىك قىزمەتشىنىڭ انتىن قابىلدادىم. بۇل تاريحي ءسات مەن ءۇشىن ۇلكەن مارتەبە. مەملەكەتتىك قىزمەتشى ماماندىعىن سانالى تۇردە تاڭدادىم. الداعى ۋاقىتتا، ەلىمىزدىڭ دامۋىنا ءوز ۇلەسىمىزدى قوساتىنىمىزعا سەنەمىن»، - دەدى ەڭبەكشىقازاق اۋدانى، بايدىبەك بي اۋىلدىق وكرۋگى اكىمى اپپاراتىنىڭ باس مامانى اسەل قالمۇحانوۆا.

ايتا كەتەرلىگى كونستيتۋتسيا كۇنى قارساڭىندا وبلىستا «اتا زاڭىم، اسىل زاڭىم-قۋاتىم»، «كونستيتۋتسيا – ەلىمىزدىڭ اتا زاڭى»، «اتا زاڭ – مەملەكەتتىڭ نەگىزى» اتتى جيىندار، «كونستيتۋتسيا – تاۋەلسىزدىك تۇعىرى»، «اتا زاڭ – بولاشاعىمىزدىڭ كەپىلى»، كونستيتۋتسيۋ «ەل تىرەگى، ەل باقىتى - اتا زاڭ!»، «كونستيتۋتسيا – قازاقستاننىڭ تۇراقتىلىعى مەن وركەندەۋىنىڭ نەگىزى» جاستار اكتسياسى وتەدى.

سونداي-اق، مادەني جانە سپورتتىق-بۇقارالىق ءىس-شارالار ۇيىمدداستىرىلۋدا. مەرەكەلىك شارالارعا جاستار، ارداگەرلەر، ەتنومادەني بىرلەستىكتەر مەن ۇكىمەتتىك ەمەس ۇيىمدار ات سالىسپاق.

پىكىرلەر