لوندوندا وتكەن اعىلشىن ءتىلى وليمپياداسىندا تارازدىق وقۋشى يحسان ىلەسوۆ التىن مەدال جەڭىپ الدى. قازاقستان قۇراماسى التى قاتىسۋشىدان تۇردى، ونىڭ ۇشەۋى التىن، كۇمىس جانە قولا مەدالدارعا يە بولدى، - دەپ حابارلايدى "ادىرنا" ءتىلشىسى.
ء"تورت ۇلىم بار، يحسان ءۇشىنشىسى. ەكىنشى بالام مەن ءۇشىنشى بالامنىڭ اراسىنداعى ايىرماشىلىق 10 جاس. اعىلشىن تىلىنە دەگەن قىزىعۋشىلىق ونىڭ اعالارىنان دارىعان: ۇلكەنى سارىكەمەر اۋىلىندا اعىلشىن ءتىلى مۇعالىمى بولىپ جۇمىس ىستەيدى. ال ەكىنشى اعاسى قىزىلوردا قالاسىنداعى «ءبىلىم-يننوۆاتسيا» ليتسەيىندە جۇمىس ىستەيدى، سونىمەن بىرگە قورقىت اتا اتىنداعى قىزىلوردا مەملەكەتتىك ۋنيۆەرسيتەتىندە بيولوگيا ماماندىعى بويىنشا وقۋىن اياقتايدى، - دەيدى جەتىنشى سىنىپ وقۋشىسىنىڭ اناسى ءلاززات ىلەسوۆا.
بەلگىلى بولعانداي، يحسان 6-سىنىپقا دەيىن تاراز قالاسىنداعى قاراپايىم مەكتەپتە وقىعان. كتل مەن نزم ەمتيحاندارىنان سۇرىنگەن اتا-اناسى ونى جەكەمەنشىك مەكتەپكە بەرۋدى ۇيعاردى. بۇل جەردە بالانىڭ قابىلەتىن اعىلشىن ءتىلى مۇعالىمى ميسس مەلا بايقاپ، اتا-اناسىن لوندونداعى وليمپياداعا جىبەرۋگە كوندىردى.
حالىقارالىق جاسوسپىرىمدەر وليمپياداسى تامىز ايىنىڭ باسىندا ءوتتى جانە 5 كۇنگە سوزىلدى، ونىڭ بارىسىندا قاتىسۋشىلار ديكتانت، ەسسە جازۋ جانە باسقا دا ەملەنى تەكسەرۋ تاپسىرمالارىن تاپسىرۋ كەرەك بولدى. يحسان بارلىق سىناقتاردان ابىرويمەن ءوتىپ، لايىقتى التىن مەدالعا يە بولدى. الايدا، ستۋدەنتتىڭ اناسىنىڭ ايتۋىنشا جەڭىمپازداردى ەشكىم كۇتىپ العانى قىنجىلتتى.
قازاقستان قۇراماسىنىڭ اتا-انالارى بالالاردى ءوز بەتىنشە قارسى الدى - ولار تارازدان الماتى اۋەجايىنا تاسىمالداۋدى وزدەرى ۇيىمداستىردى، اۋە شارلارى مەن گۇلدەردى وزدەرى ساتىپ الدى. سونىمەن قاتار بالالارىنىڭ شىعىندارىن اتا-انالارى تولىق وزدەرى وتەگەن. ولار مەملەكەت تاراپىنان قولداۋ كورسەتىلمەگەنىنە رەنجۋلى.
