"ادىرنا" ۇلتتىق-ەتنوگرافيالىق بىرلەستىگى “ازاماتىق بورىش” جوباسىنىڭ كەزەكتى كەزدەسۋىن ىشكى ىستەر مينيسترلىگىنىڭ ماقان ەسبولاتوۆ اتىنداعى الماتى اكادەمياسىندا وتكىزدى. جيىندى ءىىم اكادەمياسىنىڭ تاربيە جۇمىسى ءبولىمىنىڭ باستىعى، پوليتسيا پودپولكوۆنيگى نۇرعازيەۆ مۇحيت ەسەنگەلدىۇلى اشتى. العاش تانىستىرۋدى اكادەميا قابىرعاسىنان باستادى، قىزىقتى جايتتار مەن وقۋ ءبولىمىنىڭ تاريحىمەن ءبولىسىپ، جوبانىڭ ماڭىزدىلىعىمەن، ستۋدەنتتەرگە الار وزەكتىلىگىن ءتۇسىندىردى.
ءىس-شارانىڭ باس سپيكەرى بولىپ اۋعان سوعىس ارداگەرى، ورتالىق ازيا ەلدەرى مەن قازاقستانداعى ارداگەرلەر ۇيىمدارىنىڭ ۇيلەستىرۋ كەڭەسىنىڭ اتقارۋشى حاتشىسى التاي وتەبايۇلى سارىمولداەۆ شاقىرىلدى. اكادەميا وقىتۋشىلارى مەن ستۋدەنتتەر التاي وتەبايۇلىنىڭ وقيعالارىن تامسانا تىڭدادى، جاستىق-شاعىنان باستاپ، اۋعانستاندا باسىنان وتكىزگەن جايتتاردى باياندادى. بولاشاق ماماندارعا ازاماتتىق بورىشتارىن وتەۋدىڭ ماڭىزدىلىعىڭ ءتۇسىندىردى، اسكەري قولباسشى باۋىرجان مومىشۇلى جانە وزگە داڭقتى جاۋىنگەرلەردى ۇلگى ەتىپ، سوعىس كەزىندەگى تاريحي تاقىرىپتاردى اتاپ ءوتتى. ستۋدەنتتەردىڭ قىزىعۋشىلىعىن تانىتىپ، قويىلعان سۇراقتارىنا جاۋابىن بەردى.
قىزىقتى اڭگىمەرلەرگە تولى جيىننان كەيىن التاي وتەبايۇلى ءوز اتىنان سىي-سياپات جاساپ، پوليتسيا پودپولكوۆنيگى نۇرعازيەۆ مۇحيت ەسەنگەلدىۇلىنا، پوليتسيا مايورى جاقيانوۆ ەلنار سەيتحانۇلىنا، پوليتسيا پولكوۆنيگى تۇرعىمباەۆ ايعالي مىرزاقۇلۇلىنا، پوليتسيا پولكوۆنيگى اۋباكيروۆا اننا الەكساندروۆناعا، پوليتسيا پولكوۆنيگى اقمارال جۇماسەيىتقىزىنا مەدال تارتۋ ەتتى.
وتكىزىلگەن جيىن سوڭىنا كەلگەندە «ادىرنا» ۇلتتىق-ەتنوگرافيا بىرلەستىگى التاي وتەبايۇلىن العىس حاتپەن ماراپاتتادى.
"ادىرنا" پورتالى
