ەلدە «زەيىندى مىڭ بالا» الەۋمەتتىك جوباسىنىڭ جەڭىمپازدارى انىقتالدى. قايىرىمدىلىق قورلاردىڭ ءبىرى ۇيىمداستىرعان شاراعا 1500-نان اسا ءوتىنىش كەلىپ تۇسكەن، دەپ حابارلايدى «ادىرنا» ءتىلشىسى «حابار 24»-كە سىلتەمە جاساپ.
قۇجاتتى ىرىكتەۋگە ءبىر اپتا ۋاقىت جۇمسالدى.
ۇيىمداستىرۋشىلار ارنايى سايتقا جولدانعان قۇجاتتار اراسىنان از قامتىلعان جانە كوپبالالى وتباسىلاردان شىققان ءبىلىمدى بالالارعا باسىمدىق بەرگەن.
جوبا اياسىندا قايىرىمدى جانداردىڭ قولداۋىمەن 30 ملن تەڭگە جينالدى. ياعني مىڭ بالاعا مەكتەپكە دايىندالۋعا 30 مىڭ تەڭگە كولەمىندە سەرتيفيكات تابىستالادى.
«زەيىندى مىڭ بالا قايىرىمدىلىق جوباسى وسى ۋاقىتقا دەيىن ءبىر اي كولەمىندە ءوتتى. بىزگە 1500 اسا ءوتىنىش كەلدى. ول وتىنىشتەر اراسىندا مىڭ ادامدى ىرىكتەپ الىپ، ءبىز بۇگىنگى تاڭدا ماراپاتتاپ جاتىرمىز. بۇل رەسپۋبليكا بويىنشا. ۇلكەن جوبا بولعاندىقتان ءالى دە جالعاسىن تابادى دەپ ويلايمىز. ءبىز ءبىلىمدى جاستاردى ارقاشان قولدايمىز»،–دەدى ۇيىمداستىرۋشى بالجان ەرلانقىزى.
