Ánshi Qaırat Nurtastyń jary Juldyz Ábdikárimova Instagram-paraqshasynda balalaryn qanshaǵa kıindirgenin aıtty, dep habarlaıdy “Adyrna” ulttyq portaly.
Juldyzdyń aıtýynsha, saýda dúkenderinde adam kóp, biraq tańdaý joq.
⠀"Mınıstrdiń mektep formasyn alýǵa 35 myń teńgeni qalaı jetkizgeni týraly kim biledi? Qazir kóremiz qanshaǵa shyqqanyn, Narulǵa eki shalbar, bir pıdjak, bir jılet, bir kóılek, bir polo, al Hanǵa bir shalbar, bir kóılek, bir polo, jılet. Pıdjaktan Hannyń ólshemi bolmady, sondyqtan basqa jerden izdeımiz" - degen ol.
Sondaı-aq, Juldyz osy zattardyń baǵasy qanshaǵa shyqqanyn kórsetken.
"236 900. Aıaq kıimsiz 200 myńnyń ústine shyqty. Bul tek alý kerek kıimderdiń jartysy. Taǵy bir pıdjak, taǵy bir shalbar alý kerek. 4 galstýk, 1 beldemshe 15 490 teńge shyqty. Áli kóılek alamyn, Alaýǵa beldemshe alamyn, qyzdarǵa aıaqkıim alamyn", - deıdi ol.
Sondaı-aq, ol dúkender bılik ókilderine "Keremet Qazaqstan" jasap qoıady dep renjedi.⠀
"Dostar, men bul storızderimdi mınıstrdi qaralaý úshin ne jamandaý úshin salyp jatqan joqpyn. Ol kisiniń jumysyna, bilim salasyna ákelgen tyń ózgeristerine rızamyn jáne qoldaımyn! Baıqasańyzdar, bılik adamdarynyń eshqaısyna jaqyn emespin, maqtamaımyn da. Biraq osy mınıstrdiń júzi jyly, oqyǵan, kóregen, bilimdi adam dep qabyldaımyn. Al mektep formalarynyń arzan emes ekeni shyndyq. Óz basym týǵanyma jaqpasa da shyndyqty aıtqandy unatamyn. Sondyqtan qazirgi halyqtyń shyndyǵy - mektep formasynyń qoljetimsizdigi. Bir jaǵy mınıstrdiń de kinási joq. Nege?! Sebebi Prezıdent kele jatyr, mınıstr kele jatyr dep, eń jaqsy dúnıesin shyǵaryp, baǵasyn arzandatyp, "Keremet Qazaqstandy" kórsetip qoıady. Al qarapaıym halyq kelse, "realno Qazaqstanǵa túsedi". Sondyqtan bolar, halyq pen bılik eki tilde sóılep, eki túrli elde ómir súrip jatqandaı kórinetini..." - dep jazǵan ol.⠀
Ol barlyǵy 300 myń teńgeden asyp ketkenin jetkizgen.
"Sonymen dostar, júrip-júrip tapqanymyzdy aldyq. Áli kóp nárse alynǵan joq. Búgingi saýda 358 000 teńgege shyqty. Oǵan keńse taýarlary kirmeıdi", - deıdi ol.
⠀
