AQSh barlaýy qyzmetiniń habarlaýynsha, Reseı jaqynda Ýkraınadaǵy memlekettik nysandar men qoǵamdyq ınfraqurylymdarǵa shabýyl jasaıdy. Bul týraly Reuters pen The New York Times amerıkalyq sheneýniktiń málimdemesin jarııalady, dep habarlaıdy “Adyrna” ulttyq portaly.
AQSh bıligi ýkraındyqtar qaýipten saqtansyn degen maqsatpen barlaý qyzmetiniń málimetin ádeıi taratqan.
Ýkraına keshe Memlekettik baıraq kúnin atap ótti
Búgin, 24 tamyz – Ýkraınanyń táýelsizdik kúni. Bunyń aldynda prezıdent Vladımır Zelenskıı mereke kúnderi Reseı «asa qatygez áreketke» barýy múmkin ekenin eskertken.
Ýkraına qorǵanys mınıstrliginiń Bas barlaý basqarmasy da ýkraındyqtarǵa mereke kúnderi asa saq bolýǵa keńes berdi.
“Eldiń ishki-syrtynda zymyran soqqylary jáne basqa da arandatý áreketteri bolýy múmkin”, - dep málimdedi barlaý basqarmasynyń ókili Andreı Iýsov.
Bul aptada Kıevte kóp adam jınalatyn sharalarǵa tyıym salyndy. Qala polıııasy turǵyndardy 23-25 tamyz aralyǵynda áýe dabylyna beı-jaı qaramaýǵa shaqyrdy.
”Adyrna” ulttyq portaly
