«بايتەرەك» ۇلتتىق باسقارۋشى حولدينگى مەن سبەربانك توبى سبەربانك قازاقستانداعى («سبەربانك» اق ەب) سبەر اكتسيالارىنىڭ بارلىق پاكەتىن ساتىپ الۋ-ساتۋ مامىلەسىنە قول قويدى، دەپ جازادى "ادىرنا" ۇلتتىق پورتالى.
"سبەربانك قازىرگى گەوساياسي جاعدايدى باسشىلىققا الا وتىرىپ جانە ەنشىلەس بانك كليەنتتەرىنىڭ مۇددەسى ءۇشىن ارەكەت ەتە وتىرىپ، قازاقستاندىق نارىقتان شىعۋ تۋرالى شەشىم قابىلدادى", - دەلىنگەن "بايتەرەك" حولدينگى تاراتقان حابارلامادا.
سبەربانك قازاقستان وتىمدىلىكتىڭ جەتكىلىكتى قورىنا، جوعارى ساپالى كرەديت قورجىنىنا يە جانە كوپتەگەن جىلدار بويى قازاقستاننىڭ قارجى نارىعىنىڭ نەگىزگى قاتىسۋشىلارىنىڭ ءبىرى بولىپ تابىلادى.
"سبەربانك قازاقستاندى ساتىپ الۋ تۋرالى شەشىم قابىلداي وتىرىپ، «بايتەرەك» حولدينگى ونىڭ ەلدىڭ قارجى جۇيەسى ءۇشىن جوعارى ماڭىزدىلىعىن باعالادى. بانك يەلەنەتىن قازىرگى زامانعى ينفراقۇرىلىم مەن تەحنولوگيالار قىسقا مەرزىمدە بانكتى تولىققاندى جۇمىسقا قايتارۋعا جانە قازاقستان ەكونوميكاسىنىڭ ناقتى سەكتورىن قارجىلاندىرۋدى باستاۋعا مۇمكىندىك بەرەدى", - دەپ مالىمدەدى حولدينگ ءباسپاسوز قىزمەتى.
بانك ءوزىنىڭ كليەنتتەر الدىنداعى بارلىق مىندەتتەمەلەرىن ورىنداۋدى جالعاستىرادى. كليەنتتەرى ءۇشىن بانك ونىمدەرى بويىنشا بارلىق شارتتار وزگەرىسسىز قالادى.
مامىلە بانككە بەلسەندى وپەراتسيالاردى تولىق كولەمدە جاڭارتۋعا، دەپوزيتتەر تارتۋعا جانە تولەمدەر جۇرگىزۋگە، سونداي-اق حالىق پەن بيزنەس ءۇشىن ونىمدەر مەن قىزمەتتەردى دامىتۋدى جالعاستىرۋعا مۇمكىندىك بەرەدى.
«قازاقستان نارىعىندا كليەنتتەرمەن ءوزارا ءىس-قيمىلدىڭ 15 جىلدان استام تاجىريبەسى جيناقتالعان سبەربانك قازاقستان قىزمەتكەرلەرىنىڭ كاسىبي كومانداسى ءوز جۇمىسىن جالعاستىراتىن بولادى. تاراپتار مامىلەنى جاقىن ارادا جابۋدى جوسپارلاپ وتىر»،-دەلىنگەن حابارلامادا.
"ادىرنا" ۇلتتىق پورتالى
