"Báıterek" holdıngi "Sberbank Qazaqstandy" satyp almaq

1536
Adyrna.kz Telegram

«Báıterek» ulttyq basqarýshy holdıngi men Sberbank toby Sberbank Qazaqstandaǵy («Sberbank» AQ EB) Sber akııalarynyń barlyq paketin satyp alý-satý mámilesine qol qoıdy, dep jazady "Adyrna" ulttyq portaly. 

"Sberbank qazirgi geosaıası jaǵdaıdy basshylyqqa ala otyryp jáne enshiles bank klıentteriniń múddesi úshin áreket ete otyryp, qazaqstandyq naryqtan shyǵý týraly sheshim qabyldady", - delingen "Báıterek" holdıngi taratqan habarlamada. 

Sberbank Qazaqstan ótimdiliktiń jetkilikti qoryna, joǵary sapaly kredıt qorjynyna ıe jáne kóptegen jyldar boıy Qazaqstannyń qarjy naryǵynyń negizgi qatysýshylarynyń biri bolyp tabylady.

"Sberbank Qazaqstandy satyp alý týraly sheshim qabyldaı otyryp, «Báıterek» holdıngi onyń eldiń qarjy júıesi úshin joǵary mańyzdylyǵyn baǵalady. Bank ıelenetin qazirgi zamanǵy ınfraqurylym men tehnologııalar qysqa merzimde Bankti tolyqqandy jumysqa qaıtarýǵa jáne Qazaqstan ekonomıkasynyń naqty sektoryn qarjylandyrýdy bastaýǵa múmkindik beredi", - dep málimdedi holdıng baspasóz qyzmeti.

Bank óziniń klıentter aldyndaǵy barlyq mindettemelerin oryndaýdy jalǵastyrady. Klıentteri úshin bank ónimderi boıynsha barlyq sharttar ózgerissiz qalady.

Mámile bankke belsendi operaııalardy tolyq kólemde jańartýǵa, depozıtter tartýǵa jáne tólemder júrgizýge, sondaı-aq halyq pen bıznes úshin ónimder men qyzmetterdi damytýdy jalǵastyrýǵa múmkindik beredi.

«Qazaqstan naryǵynda klıenttermen ózara is-qımyldyń 15 jyldan astam tájirıbesi jınaqtalǵan Sberbank Qazaqstan qyzmetkerleriniń kásibı komandasy óz jumysyn jalǵastyratyn bolady. Taraptar mámileni jaqyn arada jabýdy josparlap otyr»,-delingen habarlamada.

"Adyrna" ulttyq portaly

Pikirler