الماتىلىق جۇپ جاڭا تۋعان ءسابيىن 2 ميلليون تەڭگەگە ساتپاق بولعان. بۇل تۋرالى Polisia.kz حابارلادى، دەپ جازادى "ادىرنا" ۇلتتىق پورتالى.
وسى قىلمىستى جاسادى دەگەن كۇدىكپەن جەتى ادام قاماۋعا الىندى. ولاردىڭ ارقايسىسىنىڭ رولدەرى ناقتى بولىنگەن.
– تۋعانىنا التى كۇن بولعان قىزىن 24 جاستاعى كەلىنشەك پەن ونىمەن بىرگە تۇراتىن 21 جاستاعى ادام ساتپاق بولعان. جۇپتىڭ قۇرساقتاعى بالاسىن ساتىپ الۋشىلاردى ەكى اي بۇرىن ىزدەي باستاعاندىعى انىقتالدى. بالانى الماتى قالاسىنىڭ تۇرعىندارى العىسى كەلدى – 48 جاستاعى ۋ.ەسىمدى ازامات جانە 46 جاستاعى ە.ەسىمدى ازاماتشا. تاراپتار 2 ميلليون تەڭگەگە كەلىسكەن. مامىلە وتكەن دەمالىسقا جاسالدى. الايدا كريمينالدىق پوليتسيا جانە ۇيىمداسقان قىلمىسپەن كۇرەس باسقارمالارى قىزمەتكەرلەرىنىڭ قالانىڭ ءار جەرىندە ءبىر ۋاقىتتا جۇرگىزگەن ارنايى ءىس-شاراسى كۇدىكتىلەردىڭ جوسپارىن بۇزدى. العاشقىلاردىڭ قاتارىندا قىزدىڭ بيولوگيالىق اتا-اناسى ۇستالدى. ودان كەيىن – الەۋەتتى ساتىپ الۋشىلار جانە ەرلى-زايىپتى دەلدالدار. كەلەسى قادام اقشالاي سىياقى ءۇشىن بالانىڭ قۇجاتتارىن راسىمدەۋ مىندەتىن ءوز موينىنا العان 56 جاستاعى ا.ەسىمدى ازاماتشانى ۇستاۋ بولدى، – دەدى الماتى قالالىق پوليتسيا دەپارتامەنتى باستىعىنىڭ ورىنباسارى ديدار احانوۆ.
الايدا پوليتسيادا نارەستە مەن مامىلەنىڭ قالعان سوماسىن ءبىر-بىرىنە بەرۋ كەزىندە ساتىپ الۋشىلار مەن دەلدالداردىڭ ءبىر ۋاقىتتا ۇستالعانىن اتاپ ءوتتى.
– وتە ماڭىزدى جايت: كەزدەسۋ كەزىندە دەلدالداردىڭ قولىندا تاعى ەكى ءسابيى بولعان، بولجام بويىنشا ءۇش جانە جانە ايلىق بالالار. ەر ادام بۇلار وزدەرىنىڭ بالالارى ەكەنىن ايتا باستادى. الايدا ولار بالالاردىڭ جەكە باسىن كۋالاندىراتىن قۇجاتتى كورسەتە المادى. وسىلايشا، وسى ارنايى ءىس-شارانىڭ ناتيجەسىندە كۇدىكتىلەردەن ءۇش ءسابي الىندى. ولار مەديتسينالىق مەكەمەگە تەكسەرىلۋ جانە قاجەت بولعان جاعدايدا كومەك كورسەتۋ ءۇشىن جەتكىزىلدى. كۇدىكتىلەر بۇل بالالاردى ء“تىرى” تاۋار رەتىندە پايدالانۋى مۇمكىن ەكەنىن جوققا شىعارمايمىز. تەرگەۋ مىندەتتى تۇردە شىندىقتى انىقتايتىن بولادى، – دەدى احانوۆ. الماتى قالالىق پد تەرگەۋ باسقارماسىنىڭ مالىمەتىنشە، اتالعان دەرەك بويىنشا قر قك-ءنىڭ 135-بابى 2-بولىگىندە كوزدەلگەن قىلمىسقا سايكەس سوتقا دەيىنگى تەرگەۋ باستالدى. كۇدىكتىلەر ۋاقىتشا ۇستاۋ يزولياتورىنا قامالدى.
الماتى قالالىق پد تەرگەۋ باسقارماسىنىڭ مالىمەتىنشە، اتالعان دەرەك بويىنشا قر قك-ءنىڭ 135-بابى 2-بولىگىندە كوزدەلگەن قىلمىسقا سايكەس سوتقا دەيىنگى تەرگەۋ باستالدى. كۇدىكتىلەر ۋاقىتشا ۇستاۋ يزولياتورىنا قامالدى.
"ادىرنا" ۇلتتىق پورتالى
