الماتىلىق ايەل ەكى بالاسىن سايران كولىنە باتىرىپ ولتىرمەك بولدى. بۇل تۋرالى شاھارداعى «باقىتتى وتباسى» ورتالىعىنىڭ باسشىسى اقمارال باسيروۆا ايتتى، دەپ حابارلايدى «ادىرنا» ءتىلشىسى.
«ەڭ كىشىسى 1,5 جاستا. بالالار سۋعا شاشالىپ قالعان. كەشە ولاردى كۋاگەرلەر امان الىپ قالدى. ءوتىپ بارا جاتقاندار بولماسا، ەكەۋى ءتىرى قالماس ەدى. كەلىنشەكتىڭ كۇيەۋى — ۇلگىلى وتاعاسى. كۇندىز-ءتۇنى جۇمىس ىستەيدى. وتباسى پاتەر جالداپ تۇرادى. كورشىلەر ايەلدى جاماندايدى. بالالاردىڭ اناسى ءبىرىنشى رەت قاستاندىق جاساماعان كورىنەدى. ونى ەمدەۋ قاجەت»،– دەپ جازدى ول.
قازىرگى تاڭدا ەكى بالا اۋرۋحانادا ەم قابىلداپ جاتىر.
ايتا كەتەيىك، اۋەزوۆ اۋداندىق پوليتسيا ءبولىمى وقيعانىڭ ءمان-جايىن انىقتاۋدا.
