«قازاقستان حالقىنا» قوعامدىق قورى الاياقتىق فاكتىلەرى كوبەيىپ جاتقانىن ەسكەرتىپ، حالىققا ۇندەۋ جاسادى، دەپ حابارلايدى «ادىرنا» ءتىلشىسى.
«الاياقتار وزدەرىن قوردىڭ وكىلدەرى رەتىندە تانىستىرادى. ولار تەلەفون سوعىپ، وزدەرىن «قازاقستان حالقىنا» قورىنىڭ قىزمەتكەرلەرى رەتىندە كورسەتىپ، جاردەماقى ۇسىنىپ، «قازاقستان حالقىنا» قورىنا جۇگىنگەندەر ماتەريالدىق تولەمگە يە بولا الاتىنىن ايتادى. تولەمدى «الۋ» ءۇشىن الاياقتار ابونەنتتەردەن 1414 قىسقا نومىرىنەن SMS-حابارلامادا جىبەرىلگەن كودتى جازۋدى، سودان كەيىن «قازپوشتا» اق ارقىلى اقشا الۋدى سۇرايدى.
وتىنەمىز، ساق بولىڭىزدار! «قازاقستان حالقىنا» قورى «قازپوچتا» اق ارقىلى قولما-قول اقشالاي تولەمدەردى تاعايىندامايدى جانە قور قىزمەتكەرلەرى ەشبىر جاعدايدا SMS-كود سۇرامايدى. الاياقتارمەن ەشقانداي اقپاراتپەن بولىسپەڭىز جانە 1414 نومىرىنەن الىنعان كودتاردى ءۇشىنشى تۇلعالارعا بەرمەڭىز.
سونداي-اق، قور مەسسەندجەر ارقىلى بەينە-اۋديوقوڭىراۋلار جاسامايدى. بارلىق وتىنىمدەر تەك qazaqstanhalqyna.kz (سايتقا سىلتەمە پروفيلدە ورنالاسقان) جانە اتاmekenim.kz قايىرىمدىلىق ۇيىمدارىنىڭ سايتتارىندا بىرىڭعاي رەەستر ارقىلى قابىلدانادى، مۇندا قولدانۋشى ءوز ءوتىنىشى جايلى تولىق اقپارات الا الادى.
"قازاقستان حالقىنا" قورى قارجىلىق كومەك كورسەتپەيدى.
ءبىز ازاماتتاردىڭ وسەك-اياڭعا سەنبەۋىن جانە الاياق ۇيىمداردىڭ ارانداتۋشىلىقتارىنا بوي الدىرماۋىن سۇرايمىز»،—دەلىنگەن حابارلامادا.
