«Qazaqstan halqyna» Qoǵamdyq Qory alaıaqtyq faktileri kóbeıip jatqanyn eskertip, halyqqa úndeý jasady, dep habarlaıdy «Adyrna» tilshisi.
«Alaıaqtar ózderin Qordyń ókilderi retinde tanystyrady. Olar telefon soǵyp, ózderin «Qazaqstan halqyna» qorynyń qyzmetkerleri retinde kórsetip, járdemaqy usynyp, «Qazaqstan halqyna» qoryna júgingender materıaldyq tólemge ıe bola alatynyn aıtady. Tólemdi «alý» úshin alaıaqtar abonentterden 1414 qysqa nómirinen SMS-habarlamada jiberilgen kodty jazýdy, sodan keıin «Qazposhta» AQ arqyly aqsha alýdy suraıdy.
Ótinemiz, saq bolyńyzdar! «Qazaqstan halqyna» qory «Qazpochta» AQ arqyly qolma-qol aqshalaı tólemderdi taǵaıyndamaıdy jáne Qor qyzmetkerleri eshbir jaǵdaıda SMS-kod suramaıdy. Alaıaqtarmen eshqandaı aqparatpen bólispeńiz jáne 1414 nómirinen alynǵan kodtardy úshinshi tulǵalarǵa bermeńiz.
Sondaı-aq, qor messendjer arqyly beıne-aýdıoqońyraýlar jasamaıdy. Barlyq ótinimder tek qazaqstanhalqyna.kz (saıtqa silteme profılde ornalasqan) jáne atamekenim.kz qaıyrymdylyq uıymdarynyń saıttarynda biryńǵaı reestr arqyly qabyldanady, munda qoldanýshy óz ótinishi jaıly tolyq aqparat ala alady.
"Qazaqstan halqyna" qory qarjylyq kómek kórsetpeıdi.
Biz azamattardyń ósek-aıańǵa senbeýin jáne alaıaq uıymdardyń arandatýshylyqtaryna boı aldyrmaýyn suraımyz»,—delingen habarlamada.
