قازىر تۇركيادا ءومىر ءسۇرىپ جاتقان ءماجىلىستىڭ ەكس-دەپۋتاتى بەكبولات تىلەۋحان نارتاي ارالبايۇلىنا بەرگەن سۇحباتىندا نۇرسۇلتان نازارباەۆ جايلى اعىنان جارىلدى، دەپ جازادى "ادىرنا" ۇلتتىق پورتالى.
ءجۋرناليستتىڭ "نازارباەۆ ەلباسى ستاتۋسىنان ايىرىلدى. قالاي قابىلدادىڭىز؟" دەگەنىنە بەكبولات تىلەۋحان ءبۇي دەپ جاۋاپ بەردى:
"وتە جامان قابىلدادىم. ەندى مەنى تىڭداپ وتىرعان تىڭداۋشىلاردىڭ ەشقايسىسىنا وسى ايتقان سوزدەرىمنىڭ ۇنامايتىنىن بىلەمىن. وسى سۇحبات شىعاردا دايىندالعان ۋاقىتتا كەيبىر جاناشىرلارىم ايتتى: "ەي، نازارباەۆتىڭ اتىنا ءبىر جىلى سويلەمەي-اق قويشى، پالەگە قالاسىڭ" دەدى. قازىر ەلدەر "رازدراجەننىي" دەپ وتىر. ەندى "رازدراجەننىي" ەكەن دەپ اقيقاتتى جاسىرىپ قالا الامىن با؟ مەن ول كىسىنى بىرىنشىدەن جاقسى كورەمىن. ول مەنىڭ تۇڭعىشىم. مەملەكەت بولعانىمىزدا تىزگىنگە يە بولعان تۇلعا. نازارباەۆتىڭ بويىنان جاقسىلىعىن ىزدەسەڭ جەتىپ جاتىر. كەمشىلىگىڭ ىزدەيمىن دەسەڭ دە، ول دا جەتەدى. بىراق، ءبىز جاقسى مەن جامانىن سالىستىرىپ وتىرىپ، تاريحي ادىلدىكپەن قاراۋىمىز كەرەك. ەشقاشان ءوز زامانىنداعى ادامعا زامانداسى ءادىل باعا بەرە المايدى. ۋاقىت وتەدى، تاريحتىڭ كوزىمەن قارايمىز... سول كەزدە ونىڭ باعاسى بەلگىلى بولادى. وسى ماسەلەدەن كەلگەن كەزدە كەيبىر نارسەسىن جىلى جاۋىپ قويىپ، كەشىرىممەن قاراۋىمىز كەرەك. جاساعان قانشاما جاقسى نارسەسى بار",- دەيدى بەكبولات تىلەۋحان.
"ادىرنا" ۇلتتىق پورتالى
