Nazarbaevty jaqsy kóremin, oǵan keshirimmen qaraıyq! - Bekbolat Tileýhan

5026
Adyrna.kz Telegram

Qazir Túrkııada ómir súrip jatqan Májilistiń eks-depýtaty Bekbolat Tileýhan Nartaı Aralbaıulyna bergen suhbatynda Nursultan Nazarbaev jaıly aǵynan jaryldy, dep jazady "Adyrna" ulttyq portaly.

Jýrnalısttiń  "Nazarbaev Elbasy statýsynan aıyryldy. Qalaı qabyldadyńyz?" degenine Bekbolat Tileýhan búı dep jaýap berdi:

"Óte jaman qabyldadym. Endi meni tyńdap otyrǵan tyńdaýshylardyń eshqaısysyna osy aıtqan sózderimniń unamaıtynyn bilemin. Osy suhbat shyǵarda daıyndalǵan ýaqytta keıbir janashyrlarym aıtty: "Eı, Nazarbaevtyń atyna bir jyly sóılemeı-aq qoıshy, pálege qalasyń" dedi. Qazir elder "razdrajennyı" dep otyr. Endi "razdrajennyı" eken dep aqıqatty jasyryp qala alamyn ba? Men ol kisini birinshiden jaqsy kóremin. Ol meniń tuńǵyshym. Memleket bolǵanymyzda tizginge ıe bolǵan tulǵa. Nazarbaevtyń boıynan jaqsylyǵyn izdeseń jetip jatyr. Kemshiligiń izdeımin deseń de, ol da jetedi. Biraq, biz jaqsy men jamanyn salystyryp otyryp, tarıhı ádildikpen qaraýymyz kerek. Eshqashan óz zamanyndaǵy adamǵa zamandasy ádil baǵa bere almaıdy. Ýaqyt ótedi, tarıhtyń kózimen qaraımyz... Sol kezde onyń baǵasy belgili bolady. Osy máseleden kelgen kezde keıbir nársesin jyly jaýyp qoıyp, keshirimmen qaraýymyz kerek. Jasaǵan qanshama jaqsy nársesi bar",- deıdi Bekbolat Tileýhan.

"Adyrna" ulttyq portaly 

 

Pikirler