شىعىس قازاقستان وبلىسىندا وگەي اكەسى 13 جاستاعى قىزىن 5 جىل بويى زورلاپ كەلگەن. ادۆوكات ايمان وماروۆا ءوز Instagram پاراقشاسىندا ايەلدىڭ ۆيدەوۇندەۋىن جاريالادى.
«ول كەزدە قىزىمنىڭ جاسى نەبارى 8-دە بولدى. بەس جىل بويى كۇيەۋىم ماعان ۇنەمى قول كوتەرىپ، زورلىق-قومبىلىق كورسەتىپ كەلدى. سالدارىنان تالاي مارتە اۋرۋحاناعا دا ءتۇستىم. 2022 جىلدىڭ 9 قاڭتارىندا ول مەنى ەسىمنەن تانعانشا ۇرىپ سوقتى. قىزىم مەنى ءولدى دەپ ويلاپ، اناما تەلەفون شالدى. انام ارتىنشا بىردەن كەلىپ، بالالاردى وزىمەن، ال مەنى جەدەل-جاردەم شاقىرتىپ اۋرۋحاناعا جىبەردى»، - دەيدى كەلىنشەك.
«بولعان جايتتى ەگەردە الدەكىمگە ايتاتىن بولساڭ، اناڭ مەن سەنى ولتىرەمىن دەپ قورقىتقان. سول ءۇشىن قىزىم ەشكىمگە ايتپاعان. سوڭعى رەت ول مۇنداي ارەكەتىن 2022 جىلدىڭ 7 قاڭتارىندا فەرمادا جاساعان. ول جاققا قىزىمدى مەنىڭ رۇقساتىمسىز الىپ كەتكەن. 16 قاڭتار كۇنى ۇلان اۋداندىق پوليتسياعا ارىز جازدىم. پروتسەسسۋالدىق پروكۋرور مەن پسيحولوگتىڭ قاتىسۋىمەن بولعان جاۋاپ الۋ كەزىندە تەرگەۋشى شۋماقباەۆانىڭ سۇراقتارىنا جاۋاپ بەرۋ بارىسىندا قىزىم تاعى ءبىر سۇمدىق جايتتى ايتتى. قىزىم 10 جاستا بولعاندا وگەي اكەسى بالاعا ادام شوشىرلىق زورلاۋ ارەكەتىن جاساعان»، - دەيدى كەلىنشەك.
ايمان وماروۆانىڭ ايتۋىنشا، قۇقىق قورعاۋ ورگاندارى ەر ازاماتقا قاتىستى ءالى كۇنگە ءتيىستى شارا قابىلداماعان. اۆتوردىڭ سوزىنشە، بۇل ىستە شقو ۇلان اۋدانىنىڭ پروكۋرورلارى مەن شىعىس قازاقستان وبلىسىنىڭ پروكۋرورلارى زورلىق-زومبىلىق جاساعان ەر كىسىنى قىلمىستىق جاۋاپكەرشىلىكتەن بوساتۋعا تىرىسادى. سەبەبى ول ول پروكۋرورلاردىڭ ءبىرىنىڭ سىنىپتاسى كورىنەدى.
“ادىرنا” ۇلتتىق پورتالى
