ماڭعىستاۋ مۇنايشىلارى جالاقىنى كوتەرۋدى سۇراپ ەرەۋىلگە شىقتى

2373
Adyrna.kz Telegram

17 تامىزدا ماڭعىستاۋ وبلىسىنداعى «قاراقۇدىقمۇناي» جشس جۇمىسشىلارى ەرەۋىلگە شىعىپ، كومپانيا باسشىلىعىنان جالاقىسىن بىردەن 100 مىڭعا كوتەرۋدى تالاپ ەتتى، دەپ حابارلايدى “ادىرنا” ۇلتتىق پورتالى Lada.kz سايتىنا سىلتەمە جاساپ. 

ەرەۋىلشىلەردىڭ ايتۋىنشا، ولار بۇل نارازىلىققا زاڭدى تۇردە شىققان، ولار اكيتسياعا شىعاتىنىن كومپانيا باسشىلىعىنا حابارلاپ، ۋاكىلەتتى ورگانداردان رۇقسات الىپ، ءبىر اپتا بۇرىن مالىمدەگەن. جۇمىسشىلار كەن ورنىندا، ۆاحتالىق قالاشىقتاعى جاتاقحانا عيماراتىنىڭ الدىندا ەرەۋىلگە شىقتى.

«ءبىز كومپانيا باسشىلىعىنان جالاقىمىزدى 100 مىڭ تەڭگەگە كوتەرۋدى سۇرايمىز. وسى جىلدىڭ ناۋرىز ايىندا ءبىز ەرەۋىلگە شىقتىق، سول كەزدە باسشىلىق تالاپىمىزدى ورىنداۋعا ۋادە بەرگەن ەدى، الايدا سول كۇيى ورىندامادى. ءبىز بۇگىنگى نارازىلىعىمىزدى رەسمي تۇردە تىركەدىك جانە سوڭىنا دەيىن بارۋعا دايىنبىز، باسشىلىقتىڭ شەشىمىن كۇتەمىز»، - دەيدى كاسىپورىن قىزمەتكەرلەرى.

سونداي-اق كومپانيا قىزمەتكەرلەرى ەرەۋىلدەنوندىرىستىڭ توقتاماعانىن، جۇمىس ادەتتەگىدەي جۇرگىزىلىپ جاتقانىن اتاپ ءوتتى.

16 تامىزدا پروكۋراتۋرا، ەڭبەك ينسپەكتسياسى جانە اۋدان اكىمىنىڭ وكىلدەرى جۇمىسشىلارعا كەلىپ، ماسەلەنى شەشۋگە كومەكتەسەمىز دەپ ۋادە بەردى، بىراق ۆاحتاشىلار ازىرگە ودان ەش ناتيجە شىقپاعانىن جانە باسشىلىقتىڭ كونبەي وتىرعانىن ايتادى،

“ادىرنا” ۇلتتىق پورتالى

پىكىرلەر