اقتاۋدا پاتەرلەردىڭ بىرىنەن ەكى ادامنىڭ ءمايىتى تابىلدى. بۇل تۋرالى ماڭعىستاۋ وبلىستىق پوليتسيا دەپارتامەنتى مالىمدەدى، دەپ حابارلايدى «ادىرنا» ءتىلشىسى.
پوليتسەيلەر ادام ولتىرگەن قىلمىسكەردى ءىزىن سۋىتپاي ۇستادى.
«2022 جىلى 17 تامىز كۇنى ساعات 10:40 شاماسىندا 102 كەزەكشى پۋلتىنە 14 شاعىن اۋدانداعى پاتەرلەردىڭ بىرىنەن ەر ادام مەن ايەل ادامنىڭ ءمايىتى تابىلعانى تۋرالى شاقىرۋ ءتۇستى.
وقيعا ورنىنا جەدەل-تەرگەۋ توبى، پوليتسيا دەپارتامەنتىنىڭ جانە پروكۋراتۋرانىڭ باسشىلىعى باردى. 28 جاستاعى كۇدىكتى ءىزىن سۋىتپاي انىقتالىپ، ۇستالىپ، اقتاۋ قالاسى پوليتسيا باسقارماسىنا جەتكىزىلدى»،– دەلىنگەن حابارلامادا.
اتالعان دەرەك قر قك 99-بابى 2-بولىگى بويىنشا تىركەلدى. تەرگەۋ جۇرگىزىلۋدە.
وزگە اقپارات تەرگەۋ مۇددەسىندە جاريا ەتىلمەيدى.
<
