شىمكەنتتىك شەنەۋنىك جولعا بولىنگەن 747 ملن تەڭگەنى جىمقىرعان. بۇل تۋرالى سىبايلاس جەمقورلىققا قارسى ءىس-قيمىل اگەنتتىگى الدىن الۋ قىزمەتىنىڭ باسشىسى سايان احمەتجانوۆ ءمالىم ەتتى، دەپ حابارلايدى «ادىرنا» ءتىلشىسى.
«سىبايلاس جەمقورلىققا قارسى قىزمەتتىڭ وندىرىسىندە باتىس قازاقستان وبلىسىنىڭ جولاۋشىلار كولىگى جانە اۆتوموبيل جولدارى باسقارماسى باسشىنىڭ ۇستىنەن قوزعالعان ءىس جاتىر. ول جالپى سوماسى 180 ملن تەڭگەدەن اساتىن جۇمىستاردىڭ ورىندالعانى تۋرالى جالعان اكتىگە قول قويدى دەگەن كۇدىككە ءىلىندى. كۇردەلى جوندەۋ نىسانى – «نۇرلى جول» باعدارلاماسانىڭ اياسىندا قارجى بولىنگەن «ءبورلى-اقساي-جىمپيتى» باعىتىنداعى جول.
سونداي-اق شىمكەنت قالاسىنىڭ جولاۋشىلار كولىگى جانە اۆتوموبيل جولدارى باسقارماسى باسشىسى مەن وزگە تۇلعالاردىڭ ۇستىنەن دە قىلمىستىق ءىس تەرگەلىپ جاتىر. ولار بىلتىر قازان ايىندا مەملەكەت بيۋدجەتىن ىسىراپ ەتۋ ارقىلى 747 ملن تەڭگەدەن استام قاراجاتتى جىمقىرعان. مۇندا دا قاراجات «نۇرلى جول» باعدارلاماسى ارقىلى بولىنگەن»، - دەدى ول.
