«توپىراققا كومىلىپ قالامىز»: جەڭىس ىسقاقوۆا الماتى اكىمىنەن كومەك سۇرادى (ۆيدەو)

4134
Adyrna.kz Telegram

بەلگىلى ءانشى، قازاقستاننىڭ ەڭبەك سىڭىرگەن جەڭىس ىسقاقوۆا الماتى اكىمىنەن كومەك سۇرادى، دەپ حابارلايدى «ادىرنا» ءتىلشىسى.

«شۇعىلا اۋدانى نۇرلى تاڭ كوشەسىنىڭ تۇرعىنىمىن. وسى كوشە تۇرعىندارىنىڭ اتىنان كەلىپ تۇرمىن. قۇرمەتتى ەربولات اسقاربەكۇلى، ءسىز اكىم بولىپ كەلگەلى وسى قالاعا جاساپ جاتقان ەڭبەگىڭىزدى، قالا تۇرعىندارىنىڭ جاعدايىن جاقسارتىپ جاتقانىڭىزدى بىلەمىز، باعالايمىز، الدە دە سەنەمىز. سوندىقتان كەلىپ تۇرمىز. جالپى كوكتەم شىققالى ءبىزدىڭ كورشىلەردىڭ مازاسى كەتتى. ويتكەنى Sensata قۇرىلىس كومپانياسى كوپ قاباتتى ۇيلەر سالا باستادى. بۇل جەردە كوپ زاڭسىزدىق بار، تەحنيكالىق قاۋىپسىزدىك ساقتالماعان. كورشى رەسەيدىڭ قۇرىلىس زاڭدىلىعىنا قاراساق، جەر ۇيلەر مەن بيىك ۇيلەردىڭ اراقاشىقتىعى 50-60 مەتر بولۋى كەرەك دەگەندى كوردىك. ال ءبىزدىڭ زاڭدىلىقتا ونداي جوق. مۇمكىن، سوندىقتان بولار، جەكە ءۇي مەن سالىنىپ جاتقان 12 قابات ءۇيدىڭ اراسى تىم جاقىن. ويتكەنى قۇرىلىس بولشەكتەرى ءبىزدىڭ ەسىگىمىزدىڭ الدىنا ءتۇسىپ جاتىر. ول ءبىر. جول سالىنباعان. تاڭەرتەڭنەن كەشكە دەيىن اۋىر جۇك كولىكتەرى جۇرگەن كەزدە تۇرعىندار شاڭعا كومىلىپ وتىر. جەل تۇرعاندا توپىراققا كومىلىپ قالامىز. قۇرىلىس بارىسىندا 10.00-عا دەيىن جۇمىس ىستەيدى، تۇنىمەن پروجەكتور جانىپ تۇرادى. كەيدە «ءاي، قويساڭدارشى» دەپ ايعايلايمىن. «قويمايمىز» دەپ جاۋاپ بەرەدى. جەر ۇيلەردىڭ ماڭىنا 12 قابات ەتىپ ءۇي سالۋعا بولا ما؟ كۇندى جاۋىپ تاستايدى، سامال جەلدى جاۋىپ تاستايدى. سوعان كومەكتەسسەڭ»،- دەدى ونەر يەسى قالا باسشىسىنىڭ
ناۋرىزباي اۋدانى تۇرعىندارىمەن كەزدەسۋىندە.

ءوز كەزەگىندە ەربولات دوساەۆ
سالىنعان ۇيلەرگە قاتىستى سۇراقتاردىڭ كوپ ەكەنىن جەتكىزدى.

«نورماتيۆ جاعىنان سۇراعىڭىز دۇرىس. بىراق وسى الماتىدا ماۋسىمنان باستاپ قالا قۇرىلىسى كەڭەسىن قۇردىق. سول جاڭا جوبالاردى قارايدى. ال ەندى ءسىزدىڭ سۇراقتارىڭىز تۋرالى تاپسىرما بەرەيىن، گقك دەگەن باسقارمامىز بار، وزدەرىڭىز جازساڭىزدار، تاپسىرما بەرەيىن. Sensato-نى تاۋىپ، قالاي سالىپ جاتقانىن تەكسەرسىن. نورماتيۆتەر دۇرىس پا؟ كەشكە جۇمىس جاعىنان، ءبارىن قالپىنا كەلتىرسىن. سىزدەردىڭ مەكەنجايلارىڭىزدى السىن»،– دەدى اكىم.

پىكىرلەر