بۇگىن ۇكىمەتتىڭ كەڭەيتىلگەن وتىرىسىندا ءترانزيتتىڭ كولىك ءۇشىن ديزەل وتىنىنا سارالانعان باعا بەلگىلەۋدى كوزدەيتىن بۇيرىق جوباسى ازىرلەندى. باعالار تۇرعىلىقتى جەرىنە، تۇتىنۋ كولەمىنە جانە كولىك تۇرىنە قاراي سارالاناتىن بولادى. بۇل تۋرالى ەنەرگەتيكا ءمينيسترى بولات اقشولاقوۆ ۇكىمەت وتىرىسىندا ايتتى، دەپ جازادى "ادىرنا" ۇلتتىق پورتالى.
"ماسەلەن، قازاقستاندىقتار ءۇشىن جۇرگىزۋشى كۋالىگى بولعان جاعدايدا، قازىرگى باعا – 230-260 تەڭگە بويىنشا ليميت تاۋلىگىنە 100 ليتر ديزەل وتىنىن قۇرايدى، قازاقستاندا تىركەلگەن جۇك كولىگى ءۇشىن – تاۋلىگىنە 300 ليتر. قالعان ادامدار توبىنا، سونداي-اق كورسەتىلگەن كولەمنەن ارتىق ديزەل وتىنى ءۇشىن 1 ليتر 450 تەڭگەدەن ساتىلاتىن بولادى",- دەدى مينيستر.
ۇكىمەت باسشىسى ەنەرگەتيكا مينيسترلىگىنە وتاندىق نارىقتا جانار-جاعارماي تاپشىلىعىن بولدىرماس ءۇشىن بارلىق شارالاردى ۋاقىتىلى قابىلداۋدى تاپسىردى.
"جانارماي قۇيۋ ستانتسيالارىنىڭ يەلەرىمەن ءتيىستى جۇمىستار جۇرگىزۋ كەرەك. ازاماتتارىمىز بەن اۋىلشارۋاشىلىق سالاسى زارداپ شەكپەۋى كەرەك. وتاندىق تۇتىنۋشىلارعا جانە ترانزيتتىك اۆتوكولىككە بەرىلەتىن جانار-جاعارماي باعالارىن ديففەرەنتسياتسيالاۋ بويىنشا ەرەجەنى تەز ارادا قابىلداپ، 20 تامىزدان باستاپ ەنگىزۋ كەرەك", - دەدى ءاليحان سمايىلوۆ.
"ادىرنا" ۇلتتىق پورتالى
