Búgin Úkimettiń keńeıtilgen otyrysynda tranzıttiń kólik úshin dızel otynyna saralanǵan baǵa belgileýdi kózdeıtin buıryq jobasy ázirlendi. Baǵalar turǵylyqty jerine, tutyný kólemine jáne kólik túrine qaraı saralanatyn bolady. Bul týraly Energetıka mınıstri Bolat Aqsholaqov Úkimet otyrysynda aıtty, dep jazady "Adyrna" ulttyq portaly.
"Máselen, qazaqstandyqtar úshin júrgizýshi kýáligi bolǵan jaǵdaıda, qazirgi baǵa – 230-260 teńge boıynsha lımıt táýligine 100 lıtr dızel otynyn quraıdy, Qazaqstanda tirkelgen júk kóligi úshin – táýligine 300 lıtr. Qalǵan adamdar tobyna, sondaı-aq kórsetilgen kólemnen artyq dızel otyny úshin 1 lıtr 450 teńgeden satylatyn bolady",- dedi mınıstr.
Úkimet basshysy Energetıka mınıstrligine otandyq naryqta janar-jaǵarmaı tapshylyǵyn boldyrmas úshin barlyq sharalardy ýaqytyly qabyldaýdy tapsyrdy.
"Janarmaı quıý stanııalarynyń ıelerimen tıisti jumystar júrgizý kerek. Azamattarymyz ben aýylsharýashylyq salasy zardap shekpeýi kerek. Otandyq tutynýshylarǵa jáne tranzıttik avtokólikke beriletin janar-jaǵarmaı baǵalaryn dıfferenııaııalaý boıynsha erejeni tez arada qabyldap, 20 tamyzdan bastap engizý kerek", - dedi Álıhan Smaıylov.
"Adyrna" ulttyq portaly
