بولات نازارباەۆتىڭ بۇرىنعى ايەلى گۇلنۇر سوتتىڭ شەشىمىمەن بۇرىنعى جۇبايىنىڭ تەگىن قايتارىپ الدى، دەپ حابارلايدى “ادىرنا” ۇلتتىق پورتالى Orda.kz. سايتىنا سىلتەمە جاساپ.
جوعارعى سوتتىڭ ازاماتتىق ىستەر جونىندەگى سوت القاسىنىڭ سۋدياسى زاۋرە كەيكىباسوۆا بولات نازارباەۆتىڭ بۇرىنعى ايەلى گۇلنۇرعا قاتىستى ءوتىنىش پەن الماتى وبلىسى جامبىل اۋدانىنىڭ ازاماتتىق حال اكتىلەرىن تىركەۋ بولىمىنە تۇسكەن ءوتىنىشتى قارادى.
ايتا كەتەيىك، بولات نازارباەۆ پەن گۇلنۇر دۇيسەمباەۆانىڭ نەكەسى 2009 جىلعى 25 تامىزدا الماتى وبلىسى جامبىل اۋدانىنىڭ احاج بولىمىندە تىركەلگەن. ەكەۋىنىڭ كامەلەتكە تولماعان 2 بالاسى بار. كەيىن گۇلنۇر كۇيەۋىنىڭ تەگىن العان. وسىلايشا، ول 2013 جىلى جەكە كۋالىگىن، ال 2018 جىلى گۇلنۇر نازارباەۆانىڭ اتىنا تولقۇجات العان.
2021 جىلعى 18 ناۋرىزدا قاراساي اۋداندىق سوتى ەرلى-زايىپتى اراسىنداعى نەكەنى جارامسىز دەپ تانىدى. نەكە بۇزىلعاندىقتان بولات نازارباەۆ بۇرىنعى ايەلى ەندى ونىڭ تەگىن الۋعا قۇقىعى جوق دەپ ساناپ، سوتتان تەگىن وزگەرتۋ تۋرالى اكت جازباسىن جويۋدى جانە گۇلنۇر نازارباەۆانىڭ قۇجاتتارىن جارامسىز دەپ تانۋدى تالاپ ەتكەن. سول جىلى 28 قىركۇيەكتە سوت نازارباەۆتىڭ تالابىن دۇرىس تەپ تابادى.
الايدا الماتى وبلىستىق سوتى ازاماتتىق ىستەر جونىندەگى سوت القاسى بۇل شەشىمنىڭ كۇشىن جويعان. وسىلايشا، گۇلنۇر بۇرىنعى جۇبايىنىڭ تەگىمەن قالعان.
بۇل ەرلى-زايىپتىنىڭ تەگىن ايىرباستاۋ ماسەلەسى نەكەگە دەيىن سوت ونى جارامسىز دەپ تانىعان كەزدە شەشىلەتىنى جانە جەكە ارىزبەن قارالمايتىنىمەن بايلانىستى. بىراق بولات نازارباەۆ گۇلنۇردى ءوز تەگىنەن ايىرۋعا ناقتى شەشىم قابىلداعان. ناتيجەسىندە ءىس جوعارعى سوتقا دەيىن جەتكەن.
ء“وتىنىشحاتتا تالاپ قويۋشىنىڭ وكىلى ماتەريالدىق جانە پروتسەستىك قۇقىق نورمالارىن دۇرىس قولدانباۋىنا بايلانىستى اپەللياتسيالىق ساتىداعى سوتتىڭ ۇيعارىمىمەن كەلىسپەي، ءبىرىنشى ساتىداعى سوت شەشىمىن كۇشىندە قالدىرا وتىرىپ، ونىڭ كۇشىن جويۋدى سۇرايدى”، - دەپ جازىلعان سوتتىڭ قۇجاتىندا.
سۋديا زاۋرە كەيكىباسوۆا جوعارعى سوت ءىستى قايتا قاراۋعا نەگىز جوق دەپ شەشىم قابىلداعان.
”ادىرنا” ۇلتتىق پورتالى
