ەۋرازيالىق ەكونوميكالىق كوميسسيانىڭ ەكونوميكا جانە قارجى ساياساتى ءمينيسترى باقىتجان ساعىنتاەۆ 10 تامىزدا ەۋرو-ازيا ىنتىماقتاستىعى قارجى-ىسكەرلىك قاۋىمداستىعىنىڭ (فبا ەاك) كەزەكتەن تىس جالپى جينالىسىنىڭ شەشىمىمەن قاۋىمداستىقتىڭ باقىلاۋ كەڭەسىنىڭ توراعاسى بولىپ سايلاندى. بۇل تۋرالى ەۋرازيالىق ەكونوميكالىق كوميسسيانىڭ سايتىنا جاريالاندى، دەپ حابارلايدى “ادىرنا” ۇلتتىق پورتالى.
سونداي-اق، جالپى جينالىستىڭ جۇمىسى بارىسىندا FBA EAC پرەزيدەنتى بولىپ SLC-Rus نەگىزىن قالاۋشى لي شوبين (قىتاي) سايلاندى.
FBA EAC – ەۋرازيانىڭ 26 ەلىنەن كاسىپكەرلەردىڭ، كوممەرتسيالىق ۇيىمدار مەن بانكتەردىڭ، قوعامدىق جانە عىلىمي-وندىرىستىك بىرلەستىكتەردىڭ قارجىلىق، بانكتىك جانە ىسكەرلىك وداقتارىن بىرىكتىرەتىن قوعامدىق ۇكىمەتتىك ەمەس ۇيىم.
بۇعان دەيىن الماتى قالاسىنىڭ ەكس-اكىمى باقىتجان ساعىنتاەۆ ەۋرازيالىق ەكونوميكالىق كوميسسيا القاسىنىڭ مۇشەسى (مينيستر) بولىپ تاعايىندالعان بولاتىن.
”ادىرنا” ۇلتتىق پورتالى
