"قازاقستان حالقىنا" قورى قايىرىمدىلىق باعدارلاماسى بويىنشا گرانتتار سانىن كوبەيتتى، دەپ حابارلايدى “ادىرنا” ۇلتتىق پورتالى.
باكالاۆريات باعدارلامالارى بويىنشا ستۋدەنتتەر مەن تالاپكەرلەرگە بارلىعى 2 350 گرانت بولىنەدى، ال شاكىرتاقىنىڭ بەلگىلەنگەن مولشەرى – 40 مىڭ تەڭگە.
قور باكالاۆريات باعدارلامالارى بويىنشا مەملەكەتتىك نەمەسە وزگە قانداي دا ءبىر گرانت الماعان كەلەسى ساناتتىڭ:
- اۋىلدىق جەرلەردىڭ از قامتىلعان وتباسىلارىنىڭ تالاپكەرلەرى;
- جەتىم بالالارعا جاتاتىن جانە كامەلەتكە تولعانعا دەيىن اتا-اناسىنىڭ قامقورلىعىنسىز قالعان تالاپكەرلەرى;
- مۇمكىندىگى شەكتەۋلى، ونىڭ ىشىندە مۇگەدەكتىگى بار تالاپكەرلەرى ءۇشىن جوعارى ءبىلىم الۋ ءۇشىن شاكىرتاقىسى بار گرانتتار ۇسىنادى.
”ادىرنا” ۇلتتىق پورتالى
ۇقساس جاڭالىقتار
