سايلاۋالدى ۋادەلەردىڭ ورىندالۋ بارىسىن جۇيەلى باقىلاپ وتىرۋ ءۇشىن «AMANAT» پارتياسى ەل اۋماعىندا 400-دەن استام پارتيالىق باقىلاۋ بەكەتىن اشادى. ەڭ الدىمەن، پروبلەمالىق، الەۋمەتتىك نىساندار باقىلاۋعا الىنادى.
«تامىز ايىنىڭ سوڭىنا دەيىن ەلىمىزدىڭ بارلىق وڭىرىندە 400-دەن استام بەكەت اشۋ جوسپارلانىپ وتىر. بۇگىندە مۇنداي بەكەتتەر 114 ءبىلىم بەرۋ نىسانىندا اشىلدى. ونىڭ كومەگىمەن قۇرىلىس ساپاسىن، بولىنگەن قاراجاتتىڭ ءتيىمدى يگەرىلۋىن، قاۋىپسىزدىك ەرەجەلەرىنىڭ ساقتالۋىن، جۇمىسشىلاردىڭ الەۋمەتتىك جاعدايىن، سونداي-اق جالاقىنىڭ ۋاقتىلى بەرىلۋىن باقىلاۋعا بولادى. وسىلايشا، جەرگىلىكتى جەرلەردە پارتيا سايلاۋالدى باعدارلاماسىنىڭ ورىندالۋ بارىسىنا جۇيەلى باقىلاۋ كۇشەيەدى. مەملەكەت باسشىسى قاسىم-جومارت توقاەۆ پارتيانىڭ كەزەكتەن تىس ءححىى سەزىندە اتاپ وتكەندەي، ەڭ الدىمەن ەلەكتورالدى كەزەڭدە ايتىلعان ۋادەلەردى ورىنداۋ قاجەت»، – دەپ اتاپ ءوتتى «AMANAT» پارتياسىنىڭ حاتشىسى جىگەر قاليەۆ.
ايتا كەتۋ كەرەك، ءاربىر نىساندا تەحنيكالىق پاسپورتقا ۇقساس شاعىم نەمەسە ءوتىنىش جىبەرۋگە بولاتىن جاۋاپتى تۇلعانىڭ بايلانىس نومىرلەرى بار تاقتايشا ورناتىلادى. جۇرتشىلىقتى كوپتەپ تارتۋ جانە پارتيالىق باقىلاۋ بەكەتتەرى جۇمىسىنىڭ اشىقتىعىن قامتاماسىز ەتۋ ماقساتىندا ونىڭ قۇرامىنا ءماسليحات دەپۋتاتتارى، ۇكىمەتتىك ەمەس ۇيىمداردىڭ وكىلدەرى, باق وكىلدەرى, بلوگەرلەر، «AMANAT» پارتياسى باستاۋىش پارتيا ۇيىمدارىنىڭ توراعالارى مەن بەلسەندى مۇشەلەرى كىردى.
وسى اپتادا اقتوبەدە پارتيالىقتار باقىلاۋ بەكەتىن اشىپ، ەسەت باتىر اۋدانىندا ءجۇرىپ جاتقانمەكتەپ قۇرىلىسىنىڭ بارىسىن تەكسەردى. تۇرعىندار سانى ۇدايى ءوسىپ كەلەدى. تيىسىنشە، جاقىن ماڭداعى مەكتەپتەردە ورىن سانى جەتىسپەيدى. قۇرىلىس 2017 جىلى باستالعانىمەن، ءالى اياقتالعان جوق. مەردىگەرلەر بۇعان پاندەميانى، داعدارىستى جانە قۇرىلىس زاتتارىنىڭ قىمباتتاۋىن كىنالاپ وتىر.
«وقۋ جىلىنىڭ باستالۋىنا ءبىر ايعا جەتەر-جەتپەس ۋاقىت قالدى. الايدا 1 قىركۇيەكتە وقۋ پروتسەسى باستالادى دەپ جوسپارلانۋدا. مەكتەپ ەكى اۋىسىمدا 1800 وقۋشى قابىلداي الادى. سايلاۋالدى باعدارلاما اياسىنداعى باسقا دا نىساندار ءتارىزدى بۇنى دا ەرەكشە باقىلاۋعا الامىز»، – دەدى اقتوبە قالالىق پارتيالىق باقىلاۋ كوميسسياسىنىڭ توراعاسى تالعات حاميتوۆ.
قىزىلوردا قالاسىندا «بايتەرەك» شاعىن اۋدانىنداعى مەكتەپ قۇرىلىسى كەستەدەن ءبىر جىلعا جۋىق ۋاقىتقا ارتتا قالىپ كەلەدى. بۇعان – قارجىنىڭ ۋاقتىلى بولىنبەۋى سەبەپ بولىپ وتىر. مەردىگەرلەر ءبىلىم بەرۋ مەكەمەسىن جىل سوڭىنا دەيىن پايدالانۋعا بەرۋ جوسپارلانعانىن جەتكىزدى.
«شاعىن اۋداندا 4,5 مىڭنان استام ادام تۇرادى. ءبارىنىڭ بالالارى بار. ولاردى الىسقا اپارۋ ىڭعايسىز. ەكىنشى توقساننان باستاپ بالالاردىڭ جاڭا مەكتەپتە ءبىلىم الۋىنا جاعداي جاساۋعا تىرىسامىز»، – دەدى قىزىلوردا قالالىق ءماسليحاتىنىڭ دەپۋتاتى جورابەك نۇرىمبەتوۆ.
وسى كۇنى پارتيالىقتار الماتى قالاسىنىڭ ناۋرىزباي اۋدانىندا سالىنىپ جاتقان 1500 ورىندىق مەكتەپتىڭ قۇرىلىس بارىسىن تەكسەردى. مەردىگەر ۇيىم قۇرىلىس جۇمىستارى قىركۇيەك ايىندا اياقتالادى دەپ سەءندىردى. نىساننىڭ ساپالى ءارى ۋاقتىلى تاپسىرىلۋى اماناتتىقتاردىڭ باقىلاۋىندا بولادى.
