اقمولا وبلىسى ءبىرجان سال اۋدانىنىڭ ەڭبەكشىلدەر اۋىلدىق وكرۋگىنە قاراستى ەڭبەك اۋىلىنان شامامەن 10 شاقىرىم جەردە، سولتۇستىك قازاقستان وبلىسى ءۋاليحانوۆ اۋدانىنىڭ قاراسۋ اۋىلدىق وكرۋگىنە قاراستى قازانعاپ اۋىلى باعىتىنداعى اۆتوموبيل جولىندا ورنالاسقان كوپىردىڭ جاعدايى الاڭداۋشىلىق تۋعىزۋدا.
اتالعان كوپىردىڭ قيراي باستاعانىنا 2–3 جىل بولعان. الايدا وسى ۋاقىتقا دەيىن ءتيىستى جوندەۋ جۇمىستارى جۇرگىزىلمەگەن. ەڭ سوراقىسى، جۇرگىزۋشىلەرگە قاۋىپ تۋرالى ەسكەرتەتىن ارنايى جول بەلگىلەرى دە قويىلماعان.
بۇل جولمەن كۇندەلىكتى قاتىنايتىن اۋىل تۇرعىندارى مەن كولىك جۇرگىزۋشىلەرىنىڭ ءومىرى مەن قاۋىپسىزدىگىنە ەلەۋلى قاتەر ءتونىپ تۇر.
وسىعان بايلانىستى بىرقاتار وزەكتى سۇراق تۋىندايدى:
1. اتالعان كوپىردىڭ تەحنيكالىق جاعدايىنا قاي مەملەكەتتىك ورگان جاۋاپتى؟
2. نەلىكتەن 2–3 جىل بويى جوندەۋ جۇمىستارى جۇرگىزىلمەگەن؟
3. نەگە قاۋىپتى ۋچاسكەگە ەسكەرتۋ بەلگىلەرى ورناتىلماعان؟
4. كوپىردى قالپىنا كەلتىرۋ جۇمىستارى قاشان باستالادى؟
اقمولا جانە سولتۇستىك قازاقستان وبلىستارىنىڭ اكىمدىكتەرىنەن، سونداي-اق اۆتوموبيل جولدارىنا جاۋاپتى قۇزىرلى مەملەكەتتىك ورگانداردان وسى ماسەلەگە نازار اۋدارىپ، كوپىردىڭ تەحنيكالىق جاعدايىن تەكسەرۋدى جانە شۇعىل قاۋىپسىزدىك شارالارىن قابىلداۋدى سۇرايمىز.
ادام ءومىرى مەن قاۋىپسىزدىگى بارىنەن قىمبات. قايعىلى جاعداي ورىن العانىن كۇتپەي، ماسەلەنى دەر كەزىندە شەشۋ قاجەت!
بۇل ماسەلە بۇقارالىق اقپارات قۇرالدارى مەن قوعام بەلسەندىلەرىنىڭ نازارىنان تىس قالماۋى ءتيىس.
