Aqmola oblysy Bırjan sal audanynyŋ Eŋbekşılder auyldyq okrugıne qarasty Eŋbek auylynan şamamen 10 şaqyrym jerde, Soltüstık Qazaqstan oblysy Uälihanov audanynyŋ Qarasu auyldyq okrugıne qarasty Qazanǧap auyly baǧytyndaǧy avtomobil jolynda ornalasqan köpırdıŋ jaǧdaiy alaŋdauşylyq tuǧyzuda.
Atalǧan köpırdıŋ qirai bastaǧanyna 2–3 jyl bolǧan. Alaida osy uaqytqa deiın tiıstı jöndeu jūmystary jürgızılmegen. Eŋ soraqysy, jürgızuşılerge qauıp turaly eskertetın arnaiy jol belgılerı de qoiylmaǧan.
Būl jolmen kündelıktı qatynaityn auyl tūrǧyndary men kölık jürgızuşılerınıŋ ömırı men qauıpsızdıgıne eleulı qater tönıp tūr.
Osyǧan bailanysty bırqatar özektı sūraq tuyndaidy:
1. Atalǧan köpırdıŋ tehnikalyq jaǧdaiyna qai memlekettık organ jauapty?
2. Nelıkten 2–3 jyl boiy jöndeu jūmystary jürgızılmegen?
3. Nege qauıptı uchaskege eskertu belgılerı ornatylmaǧan?
4. Köpırdı qalpyna keltıru jūmystary qaşan bastalady?
Aqmola jäne Soltüstık Qazaqstan oblystarynyŋ äkımdıkterınen, sondai-aq avtomobil joldaryna jauapty qūzyrly memlekettık organdardan osy mäselege nazar audaryp, köpırdıŋ tehnikalyq jaǧdaiyn tekserudı jäne şūǧyl qauıpsızdık şaralaryn qabyldaudy sūraimyz.
Adam ömırı men qauıpsızdıgı bärınen qymbat. Qaiǧyly jaǧdai oryn alǧanyn kütpei, mäselenı der kezınde şeşu qajet!
Būl mäsele būqaralyq aqparat qūraldary men qoǧam belsendılerınıŋ nazarynan tys qalmauy tiıs.
