«ادىلەت» پارتياسىنىڭ «ادىلەتتى قازاقستان ءۇشىن» ءموبيلدى كەرۋەنى العاشقى توعىز كۇندەگى جۇمىسىن قورىتىندىلادى. كەرۋەن 1500 شاقىرىمنان استام جول ءجۇرىپ، اقمولا، سولتۇستىك قازاقستان جانە قوستاناي وبلىستارىنداعى 12 اۋداندى قامتىدى.
كەزدەسۋلەرگە 1350 تۇرعىن قاتىسىپ، پارتيا كانديداتتارىنا وڭىرلەردەگى وزەكتى ماسەلەلەردى جەتكىزدى. كەزدەسۋلەر بارىسىندا جولداردىڭ جاي-كۇيى، سۋمەن جانە گازبەن قامتۋ، دەنساۋلىق ساقتاۋ، نەسيە جۇكتەمەسى مەن «اۋىل اماناتى» باعدارلاماسىنا قاتىستى ماسەلەلەر ءجيى كوتەرىلدى.
اقمولا وبلىسىنداعى اۋدان حالقى كوبىنە حالىق اراسىندا نەسيە جۇكتەمەسى كوپ ەكەنىن، بىراق، كەيبىر كوپبالالى وتباسىلار نەسيە الا المايتىنىن، زەينەتكەرلەردى الەۋمەتتىك تۇرعىدا قورعاۋ، الاياقتىقتان ساقتانۋ، ءبىلىم مەن جاستاردى اۋىلدا ۇستاپ قالۋ جانە تۇرعىن ءۇي كوممۋنالدىق شارۋاشىلىق سالاسىنىڭ ماسەلەلەرىن قوزعاعان.
وڭىرگە بارعان دەپۋتاتتىققا كانديداتتار ارمانگۇل توقتامۇرات، ەدىل حامزا، يۋليا كۋچينسكايا، دينارا سادۋاقاسوۆا جانە ەرقانات مۇسىلمانبەك تۇرعىنداردىڭ سۇراقتارىنا جاۋاپ بەرىپ، بارلىق ۇسىنىس پەن ءوتىنىشتىڭ كەيىنگى جۇمىس ءۇشىن ارنايى جىكتەلىپ، تىركەلگەنىن مالىمدەدى.
ء«بىز كەلە سالا ماقساتىمىز تۇرعىنداردى تىڭداۋ ەكەنىن ايتتىق. ءبارىمىز وسى وڭىرلەردەن شىققانبىز، بۇل اۋدانداردا جاقىندارىمىز تۇرادى، سوندىقتان، وسى ەلدىمەكەندەردىڭ تاعدىرىنا بەي-جاي قاراي المايمىز»، – دەدى ولار.
قوستاناي وبلىسىندا تۇرعىندار ناقتى ينفراقۇرىلىمدىق جوبالارعا قاتىستى ساۋالدار قويدى.
«سۋ تارتۋ سالاسىندا تروەبرات اۋىلىنىڭ تۇرعىندارى جوبالىق سمەتاسى دايىن سۋ قۇبىرىنىڭ قۇرىلىسىنا قاتىستى، پەرۆوماي اۋىلىنىڭ حالقى سۋ قۇبىرلارى ابدەن توزعانىنا قاتىستى سۇراقتارىن قويدى. سونداي-اق، «ۇزىنكول-سارىكول» اراسىنداعى وبلىستىق ماڭىزى بار جولدىڭ قۇرىلىسى دا ءسوز بولدى»، - دەيدى پارتيا كانديداتتارى.
سولتۇستىك قازاقستان وبلىسىنىڭ تۇرعىندارى شەكارا ماڭىنداعى جۇمىسپەن قامتۋ، بايلانىس ساپاسى جانە الەۋمەتتىك قولداۋ ماسەلەلەرىنە نازار اۋداردى.
«ادىلەتتى قازاقستان ءۇشىن» ءموبيلدى كەرۋەنىنىڭ كومانداسى ءاربىر كەزدەسۋدە سايلاۋالدى باعدارلامانىڭ باسىمدىقتارىن تانىستىرىپ، تۇرعىنداردىڭ سۇراقتارىنا جاۋاپ بەردى. پارتيا كانديداتتارى وسى ايتىلعان وتىنىشتەردىڭ ءبارى ارنايى تىزىمگە ەنىپ، جان-جاقتى زەردەلەنەتىنىن جانە قۇزىرەتتى ورگاندارعا بەرىلەتىنىن اتاپ ءوتتى.
پارتيانىڭ مالىمەتىنشە، ءموبيلدى كەرۋەن جۇمىسىن جالعاستىرادى. جالپى رەسپۋبليكا بويىنشا التى ءموبيلدى كەرۋەن 24 شىلدە مەن 18 تامىز ارالىعىندا 100 اۋداندى ارالاپ، كەمىندە 10 مىڭ تۇرعىنمەن كەزدەسۋدى جوسپارلاپ وتىر.
دايىنداعان:
«ادىلەت» پارتياسىنىڭ ءباسپاسوز قىزمەتى.
«ادىلەت» پارتياسى» قب سايلاۋ قورىنىڭ قاراجاتى ەسەبىنەن تولەندى.
تاپسىرىس بەرۋشى: ن.ت. مىڭجاساروۆ.
