Higgsfield كومپانياسىنىڭ تەڭ قۇرىلتايشىسى الەكس ماشرابوۆ قازاقستان ازاماتتىعىن الدى. 2026 جىلعى 30 قازاندا مەملەكەت باسشىسى قاسىم-جومارت توقاەۆ ءتيىستى جارلىققا قول قويعان. بۇل تۋرالى قازاقستاننىڭ تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى جاسلان ماديەۆ الەۋمەتتىك جەلىدەگى پاراقشاسىندا مالىمدەدى، دەپ حابارلايدى “ادىرنا”.
مينيستر جاڭا ازاماتتىق العان الەكس ماشرابوۆقا قازاقستان تولقۇجاتىن ءوزى تابىستاعانىن حابارلادى. ونىڭ ايتۋىنشا، پرەزيدەنت جاساندى ينتەللەكت سالاسىن دامىتۋعا جانە تالانتتى مامانداردى قولداۋعا ەرەكشە كوڭىل بولەدى.
جاسلان ماديەۆ Higgsfield كومانداسىنىڭ وتاندىق جاساندى ينتەللەكت يندۋسترياسىنىڭ دامۋىنا قوسقان ۇلەسىن دە اتاپ ءوتتى. ءمينيستردىڭ مالىمەتىنشە، كومپانيا ازىرلەگەن ءونىم الەمدىك نارىقتا سۇرانىسقا يە جانە ونى 40 ميلليوننان استام ادام پايدالانادى.
ول الەكس ماشرابوۆتىڭ جەتىستىگى قازاقستاندىق جاستارعا ۇلگى بولاتىنىن ايتىپ، ەلىمىزدە ءجۇرىپ-اق الەمدىك دەڭگەيدەگى تەحنولوگيالىق ونىمدەر جاساۋعا جانە حالىقارالىق نارىقتا باسەكەگە تۇسۋگە بولاتىنىن جەتكىزدى. سونداي-اق مينيستر كاسىپكەردىڭ قازاقستان ازاماتتىعىن الىپ، ەلدىڭ تەحنولوگيالىق الەۋەتىن دامىتۋعا ۇلەس قوسۋعا نيەت بىلدىرگەنىنە العىس ايتتى.
