قازاقستاندىقتارعا 1414-تەن حابارلاما مەن قوڭىراۋلار كەلىپ، الاياققا الدانۋدا. جاعدايعا قاتىستى پىكىر بىلدىرگەن مينيستر سىنعا ۇشىرادى، دەپ حابارلايدى "ادىرنا" ۇلتتىق پورتالى.
الاياقتاردىڭ ارەكەتىنە قاتىستى تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترى جاسلان ماديەۆ پىكىر ءبىلدىردى. الايدا مينيستر باق وكىلىنىڭ سۇراعىنا ورىسشا جاۋاپ بەرە باستاعان.
كەيىننەن ءجۋرناليستىڭ "قازاقشا؟" دەگەن ساۋالىنا:
"ەندى ۋاقىت از عوي", - دەپ جاۋاپ بەردى مينيستر.
جەلىدەگى جۇرت ء”وزىنىڭ ءسۇت ەمگەن انا ءتىلى بىلاي ايتقاندا”سۇحبات بەرسە ۋاقىت سوزىلىپ،كوپ ۋاقىت كەتەدى ەكەن مىنا كىسىنىڭ ويىنشا", "مەنىكى، سەنىكى بولدى عوي" دەپ ءتۇرلى پىكىر ءبىلدىرىپ جاتىر.
كەيىننەن جۋرناليستەردىڭ ساۋالىنا قازاقشا جاۋاپ بەرگەن مينيستر باستىسى تسيفرلىق گيگيەنانى ساقتاۋ كەرەك دەيدى.
"حابارلاما كەلسە دە بانك، eGov قىزمەتكەرلەرى ەشقاشان جىبەرگەن كودتى سۇرامايدى. سوندىقتان كيبەرقاۋىپسىزدىككە قاتىستى كۋرستار بار، ترەنينگتەر بار. كيبەرگيگيەنانى كوبەيتۋ كەرەك. قاۋىپسىزدىكتى كۇشەيتۋگە قاتىستى جۇمىستاردى دا جۇرگىزىپ جاتىرمىز", - دەيدى ماديەۆ.
