مينيسترلىك كومپانيا بەلگىلەنگەن مەرزىمگە دەيىن ستانتسيا سالماسا، Starlink قازاقستاندا جۇمىس ىستەمەيتىنىن ايتتى، دەپ حابارلايدى “ادىرنا” ۇلتتىق پورتالى.
بۇل تۋرالى تسيفرلىق دامۋ ءمينيسترى جاسلان ماديەۆ سەناتتىڭ كۋلۋارىندا حابارلادى.
«2026 جىلى پيلوتتىق جوبا اياقتالادى. ەگەر سول ۋاقىتقا دەيىن Starlink جەرۇستى ستانتسياسىن سالماسا، وندا ول مۇندا رەسمي تۇردە جۇمىس ىستەمەيتىن بولادى»، – دەدى مينيستر.
ول قازىرگى ۋاقىتتا 1800-دەن استام مەكتەپتىڭ Starlink-كە قولجەتىمدىلىگى بار ەكەنىن اتاپ ءوتتى. پيلوتتىق جوبا 2026 جىلدىڭ 1 قاراشاسىنا دەيىن جالعاسادى.
مينيستر قازىرگى ۋاقىتتا ۇقك-دا ۇلتتىق قاۋىپسىزدىك ماسەلەلەرى تالقىلانىپ جاتقانىن، ولاردىڭ ناتيجەلەرى بويىنشا Starlink-ءتىڭ قازاقستاندا پيلوتتىق رەجيمنەن تىس جۇمىس ىستەي الاتىن-المايتىنى انىقتالاتىنىن ايتتى. كوميتەت كومپانيادان جەرۇستى ستانتسياسى مەن بايلانىس ستانتسياسىن سالۋدى تالاپ ەتۋدە. بۇل كەلىسسوزدەر اياقتالعانعا دەيىن ەلدە حالىققا Starlink تەرمينالدارىن كوممەرتسيالىق نەگىزدە ساتۋعا تىيىم سالىنعان.
«SpaceX – وتە ۇلكەن، امەريكالىق كومپانيا. ول ءارتۇرلى ەلدەردە جۇمىس ىستەيدى، سوندىقتان ونى كوندىرۋ وڭاي شارۋا ەمەس. سوندىقتان كەلىسسوزدەر سوزىلىپ كەتتى دەپ ايتۋعا بولمايدى»، – دەدى ماديەۆ.
