Higgsfield kompaniiasynyŋ teŋ qūryltaişysy Aleks Maşrabov Qazaqstan azamattyǧyn aldy. 2026 jylǧy 30 qazanda Memleket basşysy Qasym-Jomart Toqaev tiıstı Jarlyqqa qol qoiǧan. Būl turaly Qazaqstannyŋ sifrlyq damu, innovasiialar jäne aeroǧaryş önerkäsıbı ministrı Jaslan Mädiev äleumettık jelıdegı paraqşasynda mälımdedı, dep habarlaidy “Adyrna”.
Ministr jaŋa azamattyq alǧan Aleks Maşrabovqa Qazaqstan tölqūjatyn özı tabystaǧanyn habarlady. Onyŋ aituynşa, Prezident jasandy intellekt salasyn damytuǧa jäne talantty mamandardy qoldauǧa erekşe köŋıl böledı.
Jaslan Mädiev Higgsfield komandasynyŋ otandyq jasandy intellekt industriiasynyŋ damuyna qosqan ülesın de atap öttı. Ministrdıŋ mälımetınşe, kompaniia äzırlegen önım älemdık naryqta sūranysqa ie jäne ony 40 millionnan astam adam paidalanady.
Ol Aleks Maşrabovtyŋ jetıstıgı qazaqstandyq jastarǧa ülgı bolatynyn aityp, elımızde jürıp-aq älemdık deŋgeidegı tehnologiialyq önımder jasauǧa jäne halyqaralyq naryqta bäsekege tüsuge bolatynyn jetkızdı. Sondai-aq ministr käsıpkerdıŋ Qazaqstan azamattyǧyn alyp, eldıŋ tehnologiialyq äleuetın damytuǧa üles qosuǧa niet bıldırgenıne alǧys aitty.
