پرەزيدەنتتىككە ۇمىتكەر بولعان كەمال كىلىچداروعلۋ 110 جىلعا دەيىن باس بوستاندىعىنان ايىرىلۋى مۇمكىن، دەپ حابارلايدى “ادىرنا” ءتىلشىسى Cumhuriyet -كە سىلتەمە جاساپ.
باسىلىمنىڭ شولۋشىسى بارىش تەركوعلۋدىڭ مالىمەتىنە ساي، دەپۋتاتتىق مانداتىنان ايىرىلعان كىلىچداروعلۋ تاياۋ كۇندەرى تۇتقىندالۋى مۇمكىن. ونىڭ ءىسى انكارا پروكۋراتۋراسىنا جىبەرىلىپ قويعان.
"كىلىچداروعلۋ 110 جىلعا دەيىن تۇرمەگە قامالۋى مۇمكىن. وعان ساياسي قىزمەتتەرگە تىيىم سالىنۋى مۇمكىن", - دەلىنگەن حابارلامادا.
تۇركيانىڭ وپپوزيتسيالىق رەسپۋبليكالىق حالىق پارتياسىنىڭ جەتەكشىسى جانە پرەزيدەنتتىككە ۇمىتكەر بولعان كىلىچداروعلۋعا 28 ءىس قوزعالعان. ونىڭ ادۆوكاتى دجەلال چەليكتىڭ ايتۋىنشا، بۇل ىستەردىڭ باسىم بولىگىنە رەجەپ تايىپ ەردوعان سەبەپكەر بولىپ وتىر. سونىمەن قاتار، كوپتەگەن سوت ءىسى بويىنشا ساياساتكەر 4 جىلعا دەيىن باس بوستاندىعىنان ايىرىلۋى مۇمكىن. جالپى العاندا بارلىق سوت ءىسى بويىنشا بۇل مەرزىم 110 جىلدى قۇرايدى.
الايدا، ساياساتكەر كىلىچداروعلۋ ءوزىنىڭ جەڭىلگەنىن مويىندايتىنىن نەمەسە داۋىس بەرۋ ناتيجەلەرىنە قارسى شىعاتىنىن مالىمدەمەگەن. ول بۇقارانى دەموكراتيا ءۇشىن اشىق كۇرەستى جۇزەگە اسىرىلمايىنشا جالعاستىراتىنىنا سەندىردى.
ەسكە سالا كەتەيىك، ساياساتكەر مامىر ايىندا وتكەن پرەزيدەنتتىك سايلاۋدىڭ ەكىنشى تۋرىندا 47,82% داۋىس جيناپ، تۇركيانىڭ قازىرگى باسشىسى ەردوعاننان جەڭىلگەن ەدى.
