قازاقستان پرەزيدەنتى قاسىم-جومارت توقاەۆ تۇركيا پرەزيدەنتى رەجەپ تايىپ ەردوعاندى پرەزيدەنتتىك سايلاۋداعى جەڭىسىمەن قۇتتىقتادى، - دەپ حابارلايدى "ادىرنا" ءتىلشىسى.
«رەجەپ تايىپ ەردوعاندى تۇركيادا وتكەن پرەزيدەنت سايلاۋىنىڭ ەكى كەزەڭىندەگى جارقىن جەڭىسىمەن قۇتتىقتايمىن!
"رەجەپ تايىپ ەردوعاندى تۇركياداعى پرەزيدەنتتىك سايلاۋدىڭ ەكىنشى تۋرىنداعى لايىقتى جەڭىسىمەن قۇتتىقتايمىن. ءبىزدىڭ ەلدەرىمىزدى تاريحي دوستىق پەن ىنتىماقتاستىق بايلانىستارى بىرىكتىرەدى. بۇل جان-جاقتى ىنتىماقتاستىق ستراتەگياسى ودان ءارى داميتىن بولادى", - دەپ جازدى توقاەۆ Twitter پاراقشاسىندا.
جەكسەنبى، 28 مامىردا تۇركيادا پرەزيدەنت سايلاۋىنىڭ ەكىنشى كەزەڭى ءوتتى. ونى قازىرگى مەملەكەت باسشىسى رەجەپ تايىپ ەردوعان جەڭىپ الدى. تۇركيا وسك مالىمەتىنشە، بيۋللەتەندەردىڭ 99,43 پايىزىن وڭدەگەننەن كەيىن ەردوعان 52,14 پايىز، ونىڭ قارسىلاسى كەمال قىلىچداروعلى 47,86 پايىز داۋىس جيناعان.
ەلدىڭ جوعارى سايلاۋ كوميسسياسىنىڭ باسشىسى احمەت يەنەر ەردوعاننىڭ قىلىچداروعلى الدىنداعى باسىمدىعى ەكى ميلليون داۋىستان اسقانىن ايتتى. سايلاۋدىڭ سوڭعى ناتيجەلەرى 1 ماۋسىمدا جاريالانادى.
"ادىرنا" ۇلتتىق پورتالى
