قازاقستان پرەزيدەنتى قاسىم-جومارت توقاەۆ رەسەي فەدەراتسياسىنىڭ قازاقستانداعى توتەنشە جانە وكىلەتتى ەلشىسى الەكسەي بوروداۆكيندى قابىلدادى، دەپ حابارلايدى "ادىرنا" ۇلتتىق پورتالى.
بۇل تۋرالى اقوردانىڭ ءباسپاسوز قىزمەتى حابارلادى.
كەزدەسۋ بارىسىندا مەملەكەت باسشىسى ەكى ەل اراسىنداعى كوپجوسپارلى ىنتىماقتاستىقتىڭ بارلىق باعىت بويىنشا سەرپىندى دامىپ كەلە جاتقانىن اتاپ ءوتتى. ونىڭ ايتۋىنشا، بىرلەسكەن كۇش-جىگەردىڭ ارقاسىندا قازاقستان مەن رەسەي اراسىنداعى ساياسي ديالوگ بۇرىن-سوڭدى بولماعان دەڭگەيگە كوتەرىلگەن.
پرەزيدەنت سونداي-اق جۋىردا رەسەيگە جاساعان مەملەكەتتىك ساپارىنىڭ ناتيجەلەرىنە توقتالدى. قاسىم-جومارت توقاەۆ ۆلاديمير پۋتينمەن وتكەن كەلىسسوزدەردىڭ تابىستى بولعانىن جانە ولاردىڭ قورىتىندىلارى ستراتەگيالىق سەرىكتەستىك پەن وداقتاستىق قارىم-قاتىناستاردى ودان ءارى نىعايتۋعا زور سەرپىن بەرگەنىن ايتتى.
ايتا كەتەيىك، الەكسەي بوروداۆكين 2018 جىلى قىزمەتكە تاعايىندالىپ،7 جىلدان بەرى رەسەيدىڭ قازاقستانداعى ەلشىسى اتانعان.
