Telegram مەسسەندجەرىنىڭ جۇمىسىنا قاتىستى الەمنىڭ بىرنەشە ەلىنەن شاعىمدار ءتۇستى. بۇل تۋرالى ونلاين-سەرۆيستەردەگى اقاۋلاردى باقىلاپ وتىراتىن Downdetector پورتالى حابارلادى، دەپ جازادى "ادىرنا".
پورتال مالىمەتىنشە، سوڭعى ءبىر ساعات ىشىندە Telegram جۇمىسىنا قاتىستى مىڭنان استام حابارلاما تىركەلگەن. شاعىمدار اقش، گەرمانيا، يسپانيا، فرانتسيا، يتاليا، نيدەرلاند، حورۆاتيا، جاپونيا جانە يندونەزيا تۇرعىندارىنان تۇسكەن.
پايدالانۋشىلار قوسىمشانىڭ اشىلماي قالۋى، حابارلامالاردىڭ كەشىگىپ جەتۋى نەمەسە مۇلدەم كەلمەۋى، سونداي-اق اككاۋنتتارعا كىرۋ كەزىندە قيىندىقتار تۋىنداعانىن ايتقان.
ازىرگە اقاۋدىڭ ناقتى سەبەبى تۋرالى اقپارات جوق.
ۇقساس جاڭالىقتار
