ۆەنگريا مەملەكەتتىك قاۋىپسىزدىك قىزمەتىنىڭ وفيتسەرلەرى، اگەنتتەرى مەن اقپارات بەرۋشىلەرىنىڭ ءتىزىمىن جاريالاۋ 4 قاراشاعا شەگەرىلدى. بۇل كۇن 1956 جىلى كەڭەس اسكەرلەرى ۆەنگرياداعى رەۆوليۋتسيانى باسۋ ءۇشىن اۋقىمدى اسكەري شابۋىل باستاعان تاريحي وقيعامەن تۇسپا-تۇس كەلەدى. بۇل تۋرالى Deutsche Welle باسىلىمى جازدى، دەپ حايۋارلايدى “ادىرنا”.
باستاپقىدا قۇپيا ارحيۆتەردى اشۋ جانە ءتيىستى تىزىمدەردى جاريالاۋ 23 قازانعا جوسپارلانعان. الايدا تەحنيكالىق سەبەپتەرگە بايلانىستى جاريالانىم مەرزىمى وزگەرگەن.
4 قاراشا – ۆەنگريا تاريحىنداعى قايعىلى كۇندەردىڭ ءبىرى. 1956 جىلى ءدال وسى كۇنى كەڭەس اسكەرلەرى ەلدەگى انتيكوممۋنيستىك جانە انتيكەڭەستىك كوتەرىلىستى باسۋ ماقساتىندا اۋقىمدى اسكەري وپەراتسيا باستاعان. ۆەنگريادا بۇل وقيعالار رەۆوليۋتسيا رەتىندە اتالادى.
بيىل ۆەنگريا 1956 جىلعى رەۆوليۋتسيانىڭ 70 جىلدىعىن اتاپ ءوتىپ جاتىر. ەلدىڭ قازىرگى پرەمەر-ءمينيسترى پەتەر ماديار تاريحي وقيعالاردى قوعامدىق جادتا ساقتاۋعا جانە ولاردىڭ ماڭىزىن قايتا پايىمداۋعا ەرەكشە كوڭىل ءبولىپ كەلەدى.
ماديار 1956 جىلعى رەۆوليۋتسيانى ۆەنگريانىڭ ۇلتتىق بىرلىگى مەن ساياسي وزگەرىستەرىنىڭ ماڭىزدى كەزەڭى رەتىندە قاراستىرادى. سونداي-اق ول 2026 جىلى ۆيكتور وربان بيلىگىنىڭ اياقتالۋىن وسىدان جەتپىس جىل بۇرىن باستالعان تاريحي ۇدەرىستەردىڭ جالعاسى رەتىندە باعالايدى.
