ۆەنگريا پارلامەنتى ەلدىڭ كونستيتۋتسياسىنا پرەمەر-ءمينيستردىڭ قىزمەت مەرزىمىن ەكى تورتجىلدىق كەزەڭمەن شەكتەۋدى كوزدەيتىن تۇزەتۋلەردى قابىلدادى6 دەپ حابارلايدى "ادىرنا" ۇلتتىق پورتالى.
داۋىس بەرۋ بارىسىندا باستامانى 134 دەپۋتات قولداپ، 50-ءى قارسى داۋىس بەردى، ال التاۋى قالىس قالدى. قابىلدانعان نورما 1990 جىلدان بەرى پرەمەر-مينيستر قىزمەتىن اتقارعان بارلىق ساياساتكەرلەرگە قولدانىلادى. وسىلايشا، بەس مارتە ۇكىمەت باسشىسى بولعان ۆيكتور وربان بولاشاقتا بۇل لاۋازىمعا قايتا تاعايىندالا المايدى.
كونستيتۋتسيالىق وزگەرىس بيىلعى پارلامەنت سايلاۋىندا جەڭىسكە جەتكەن پرەمەر-مينيستر پەتەر مادياردىڭ نەگىزگى سايلاۋالدى ۋادەلەرىنىڭ ءبىرى بولعان. ونىڭ ايتۋىنشا، بۇل باستاما بيلىكتىڭ شامادان تىس ءبىر ادامنىڭ قولىنا شوعىرلانۋىنا جول بەرمەۋگە باعىتتالعان.
تۇزەتۋدى پارلامەنتتە ماديار جەتەكشىلىك ەتەتىن «تيسا» پارتياسىنىڭ دەپۋتاتتارى قولداسا، ۆيكتور ورباننىڭ «فيدەس» پارتياسى وعان قارسى داۋىس بەردى.
