فوتو: championat.com
قىتايدىڭ نينبو قالاسىندا وتكەن ايەلدەر اراسىنداعى WTA 500 ساناتىنداعى حالىقارالىق تۋرنير اياقتالدى. جارىس قورىتىندىسى بويىنشا قازاقستاننىڭ ءبىرىنشى راكەتكاسى ەلەنا رىباكينا چەمپيوندىق اتاعىن قورعاپ، ءتۋرنيردىڭ جەڭىمپازى اتاندى، دەپ حابارلايدى "ادىرنا".
فينالدىق كەزدەسۋدە قازاقستاندىق تەننيسشى كانادالىق لەيلا فەرناندەسپەن شەبەرلىك بايقاستى. ەلەنا قارسىلاسىنان 1 ساعات 16 مينۋت ىشىندە باسىم ءتۇسىپ، ماتچتى 6:2, 6:2 ەسەبىمەن اياقتادى.
وسىلايشا، رىباكينا نينبوداعى تۋرنيردە قاتارىنان ەكىنشى جىل جەڭىسكە جەتىپ، ءوزىنىڭ جوعارى دەڭگەيدەگى ويىنىن تاعى ءبىر مارتە دالەلدەدى.
قازاقستاندىق سپورتشى ەندى جاپونيا استاناسى توكيوعا جول تارتادى. وندا بىرنەشە كۇننەن كەيىن WTA 500 ساناتىنداعى كەزەكتى تۋرنير باستالادى. ەلەنا جارىسقا ءبىرىنشى ءنومىرلى تەننيسشى رەتىندە قاتىسىپ، العاشقى اينالىمنان باستاپ كورتقا شىعادى.
