قازاقستاندىق تەننيسشى ەلەنا رىباكينا ۇلتتىق كوماندا ءۇشىن ماڭىزدى سانالاتىن تاعى ءبىر تۋرنيرگە قاتىسپايتىنى بەلگىلى بولدى. بۇل تۋرالى sportarena.kz. جازدى، دەپ حابارلايدى “ادىرنا” ۇلتتىق پورتالى.
اقپاراتقا سايكەس، قازاقستان مەن وڭتۇستىك كورەيا تەننيسشىلەرى «بيللي دجين كينگ» كۋبوگىنىڭ پلەي-وفف ماتچتىق كەزدەسۋىندە باق سىنايدى. كۋبوكتىڭ رەسمي سايتى ەكى ەل قۇرامالارىنىڭ وتىنىمدەرىن جاريالاعان. تەننيستەن قازاقستاننىڭ ايەلدەر قۇراماسىنان ەلەنا رىباكينا كورىنبەيدى، بىراق كومانداعا زارينا دياس ورالعان.
قازاقستان قۇراماسى ماتچقا يۋليا پۋتينتسەۆا (الەمنىڭ 29-شى راكەتكاسى), جىبەك قۇلامباەۆا (311), زارينا دياس (379), اننا دانيلينامەن (جۇپتىق سىندا الەمنىڭ 23-ءشى راكەتكاسى) شىعادى.
ال وڭتۇستىك كورەيانىڭ قۇرامىنا دا يون باك (324), سو حيون پاك (374), كۋ يون ۆۋ (437), دا بين كيم (980) كىرگەن.
ويىندار استانادا 16-17 قاراشا كۇندەرى وتەدى.
ەسكە سالساق، ەلەنا رىباكينا بيىل قازاقستان اتىنان جازعى وليمپيادا ويىندارىنا قاتىسپاعانى ءۇشىن سىنعا ۇشىراعان بولاتىن. سپورتشى پاريجگە اۋىرىپ قالعانىنا بايلانىستى بارا الماعانىن مالىمدەدى.
ال ءبىر اي بۇرىن قازاقستاندىق تەننيسشى دەنساۋلىعىنا بايلانىستى قىتايدا وتكەن WTA 1000 - China Open تۋرنيرىنەن باس تارتقان ەدى.
