بولگاريا استاناسى سوفيادا ەلدىڭ وليمپيادا كوميتەتى ۆيتسە-پرەزيدەنتى، تاەكۆوندو فەدەراتسياسىنىڭ پرەزيدەنتى سلاۆي بينەۆتى بىرەۋلەر اتىپ ولتىرگەن، دەپ حابارلايدى "ادىرنا" Nova تەلەارناسىنا سىلتەمە جاساپ.
الدىن الا مالىمەت بويىنشا، سلاۆي بينەۆتىڭ باسىنا وق تيگەن. وقيعا ورنىنان وق گيلزاسى تابىلعان.
كىسى ءولتىرۋ تۋرالى حابار تۇسكەننەن كەيىن شامامەن ءبىر ساعاتتان سوڭ قۇقىق قورعاۋ ورگاندارى ءۇش ادامدى ۇستاعان. ولاردىڭ ءبىرى — بولگاريا ازاماتى، ال ەكەۋى — تۇركيا ازاماتتارى. كۇدىكتىلەر «ترايان قاقپاسى» تۋننەلى ماڭىنان قارۋمەن ۇستالعان.
الدىن الا بولجام بويىنشا، قىلمىسقا قارجىلىق ماسەلەلەر بويىنشا تۋىنداعان كەلىسپەۋشىلىكتەر سەبەپ بولۋى مۇمكىن. ۇستالعان ءۇش ادامنىڭ دا قارۋ ساقتاۋعا رۇقساتى بولعانى حابارلاندى.
قازىر سوفيا قالالىق پروكۋراتۋراسى اتالعان ءىس بويىنشا سوتقا دەيىنگى تەرگەپ-تەكسەرۋدى باستادى. ەرتەڭ ءۇش كۇدىكتىگە ايىپ تاعۋ جانە ولاردى 72 ساعاتقا قاماۋدا ۇستاۋ تۋرالى شەشىم قابىلداناتىنى كۇتىلەدى.
