كەشە قوردايداعى قاقتىعىسقا بايلانىستى قازاقستان دۇڭگەندەر قوعامىنىڭ الماتى فيليالى جامبىل وبلىسىنىڭ قورداي اۋدانىندا بولعان جاپپاي توبەلەس كەزىندە قازا بولعانداردىڭ اتى-ءجونىن جاريالادى.
- يسىروۆ باحۋ، 1988 جىلى تۋعان
- چونتەي ابدۋلا، 1986 جىلى تۋعان
- حارسانوۆ رام
- ياسىروۆ ماليك، سورتوبە اۋىلىنداعى №17 ورتا مەكتەپتىڭ قازاق ءتىلى جانە ينفورماتيكا ءپانىنىڭ مۇعالىمى
- شيسىر راحيم
- حيشانلو سۋلەيمان
- لوحاش لۋگمار (بۇلان باتىر اۋىلى)
- كيروۆ يسحار (بۇلان باتىر اۋىلى)
"جەرلەۋدى ۇيىمداستىرۋعا كومەكتەسۋ بويىنشا وتىنىشتەر ءتۇسىپ جاتىر", - دەپ حابارلاعان بولاتىن قازاقستان دۇڭگەندەر قوعامىنىڭ الماتى فيليالى.
وقيعا ورنىندا جۇرگەن ءبىزدىڭ ءتىلشىمىز وڭعار قابدەننىڭ ايتۋىنشا، قايتىس بولعاندار تەك قانا دۇڭگەندەر ەمەس، اراسىندا قازاقتار دا بار.
«قايتىس بولعانداردى جاريالاعان تىزىمدە قازاق بالارىنىڭ اتى-ءجونى جوق. ال راسىندا قايتىس بولعان قازاقتار بار. قورداي اۋدانى، تالاپتى اۋىلىنىڭ تۇرعىنى دارحان ءابدىراحىم سول قاقتىعىستا قايتىس بولعان. دارحاننىڭ اكە-شەشەسى قازىر «قايتىس بولدى» دەگەن كۋالىگىن دە الا الماي وتىر. 2000 جىلى تۋعان ماسانوۆ مۇرات دەگەن جىگىتتى اكە-شەشەلەرى، تۋعان-تۋىستارى مۇلدە تاپپاي جاتىر. 7 اقپان كۇنى كەشكىسىن ۇيدەن شىققان وسى جىگىت ءىز-ءتۇزسىز جوعالعان»،-دەيدى ءتىلشىمىز.
جەرگىلىكتى تۇرعىندار قازىردە وسى جايتقا نارازى. كوپشىلىك قاۋىم قازىردە ءتيىستى ورگاندار قايتىس بولعان قازاق بالالارىنىڭ ناقتى ءتىزىمى اشىپ ايتىلۋى كەرەكتىگىن باسا ايتىپ وتىر.
"ادىرنا" ۇلتتىق پورتالى
