جاڭا مەكتەپ – زاماناۋي ءبىلىم بەرۋ تالاپتارىنا ساي جابدىقتالعان، وقۋشىنىڭ ساپالى ءبىلىم الىپ، جان-جاقتى دامۋىنا باعىتتالعان جاڭا كەڭىستىك.
مۇندا زاماناۋي باستاۋىش سىنىپ كابينەتتەرى، كىتاپحانا، روبوتوتەحنيكا كابينەتتەرى، اسحانا جانە وقۋشىلاردىڭ ءبىلىم الۋىنا قاجەتتى قولايلى ورتا قاراستىرىلعان.
جاڭا مەكتەپتە ءبىلىم مەن تاربيە ءبىر كەڭىستىكتە توعىسادى. عيماراتتىڭ ىشكى بەزەندىرىلۋىندە «ادال ازامات» ءبىرتۇتاس تاربيە باعدارلاماسىنىڭ بىرىڭعاي برەندبۋگى قولدانىلىپ، ۇلتتىق قۇندىلىقتار زاماناۋي فورماتتا كورىنىس تاپتى.
مەكتەپ قابىرعالارىنداعى ءاربىر مازمۇن – جاي عانا ديزاين ەمەس. ادالدىق، وتانشىلدىق، ەڭبەكقورلىق، جاۋاپكەرشىلىك، زاڭ مەن ءتارتىپ سەكىلدى قۇندىلىقتار وقۋشىنى كۇندەلىكتى قورشاعان ورتانىڭ ءبىر بولىگىنە اينالعان.
بۇل – جاڭا عيمارات قانا ەمەس.
بۇل – جاڭا مۇمكىندىك. جاڭا ورتا. جاڭا كوزقاراس.
ءبىلىم بەرەتىن، تاربيە قالىپتاستىراتىن، بالانىڭ بولاشاعىنا باعىت بەرەتىن وسىنداي زاماناۋي كەڭىستىك – ساپالى ءبىلىم مەن سانالى ۇرپاققا سالىنعان ينۆەستيتسيا.
جاڭا مەكتەپتىڭ تابالدىرىعىنان ءبىلىمدى، ادال، ەلجاندى ۇرپاق قاناتتانسىن!
