Memleket basşysy NVIDIA kompaniiasynyŋ negızın qalauşy jäne prezidentı Djensen Huangty qabyldady. Būl turaly Aqorda jazdy, dep habarlaidy "Adyrna".
Kezdesude Prezident Qasym-Jomart Toqaev NVIDIA basşysy saparynyŋ ekıjaqty yntymaqtastyqty nyǧaitudaǧy maŋyzyn atap ötıp, onyŋ otandyq jasandy intellekt ekojüiesın damytuǧa qosqan ülesıne rizaşylyq bıldırdı.
"NVIDIA kompaniiasymen yqpaldastyqqa sony serpın beru tūrǧysynan saparyŋyzdyŋ mänı zor. Serıktestıgımızdı nyǧaitu jolyndaǧy jäne Qazaqstannyŋ igılıgı üşın atqaryp jatqan eŋbegıŋızge alǧys aitqym keledı", – dedı Memleket basşysy.
Memleket basşysy NVIDIA men Higgsfield kompaniialary arasyndaǧy ärıptestıktı quattaidy. Onyŋ aituynşa, halqymyz atalǧan kompaniianyŋ otandyq tehnologiialyq jobalarǧa atsalysqanyn qūp köredı.
Sondai-aq, Prezident Qazaqstanda jasandy intellektınıŋ damuyna üles qosqany üşın Djensen Huangty I därejelı «Dostyq» ordenımen marapattady.
