رەسپۋبليكا كۇنى قارساڭىندا ۇزىندىعى 144 شاقىرىمدى قۇرايتىن «پودستەپنوە – فەدوروۆكا – رف شەكاراسى» اۆتوموبيل جولىنىڭ بارلىق ۋچاسكەلەرىندە اسفالتبەتون جابىنىن توسەۋ جۇمىسى تولىق اياقتالدى.
اۆتوموبيل جولىنىڭ «قازاۆتوجول» ۇك» اق تەڭگەرىمىندەگى 0–36 شاقىرىم جانە 108–144 شاقىرىم ارالىعىنداعى ۋچاسكەلەرىندە جۇمىس بۇرىنىراق اياقتالىپ، پايدالانۋعا بەرىلگەن ەدى.
ال جولدىڭ 36–72 كم، 72–108 كم ارالىعىنداعى بولىگى قاراشىعاناق پەترولەۋم وپەرەيتينگ ب.ۆ. قاراجاتى ەسەبىنەن 2024 جىلى باستالىپ، بۇگىندە تولىق جاڭارۋدان ءوتتى. قازىرگى تاڭدا اسفالتبەتون جابىنىن توسەۋ تولىق اياقتالدى. ەندى تەك جولدىڭ قوسىمشا ينفراقۇرىلىمىن رەتكە كەلتىرۋ، سونىڭ ىشىندە جول تاڭبالارىن سىزۋ، جەردى رەكۋلتيۆاتسيالاۋ (قالپىنا كەلتىرۋ), جول جيەگىنە كوپجىلدىق ءشوپ ەگۋ جانە جوبادا قاراستىرىلعان باسقا دا جۇمىس جاسالىپ جاتىر. ول قاراشا ايىنىڭ سوڭىنا دەيىن اياقتالماق.
