باتىس قازاقستان وبلىسىندا ەكى اۆتوكولىك سوقتىعىسىپ، سالدارىنان التى ادام زارداپ شەكتى دەپ حابارلايدى. بۇل تۋرالى پوليتسيا دەپارتامەنتى مالىمدەدى، دەپ حابارلايدى “ادىرنا”.
مالىمەت بويىنشا، وقيعا 25 قازان كۇنى شامامەن ساعات 18.55-تە اتىراۋ-وزينكي جولىنىڭ 22-شاقىرىمىندا بايتەرەك اۋدانى بولاشاق اۋىلى تۇسىندا بولدى.
الدىن الا مالىمەت بويىنشا «Lada Granta» اۆتوكولىگىنىڭ جۇرگىزۋشىسى قارسى بەتكە شىعىپ كەتىپ، «CHANGAN X5 PLUS» اۆتوكولىگىمەن سوعىسقان.
“جول اپاتى سالدارىنان «CHANGAN X5 PLUS» اۆتوكولىگىنىڭ جولاۋشىلارى ءتۇرلى جاراقات الدى. بارلىعى 6 ادام زارداپ شەگىپ، ولار ورالداعى قالالىق كوپبەيىندى اۋرۋحاناعا جەتكىزىلدى. قازىرگى كەزدە قر قك 345-بابى 2-بولىگىنە سايكەس سوتقا دەيىنگى تەرگەۋ امالدارى جۇرگىزىلىپ، وقيعانىڭ بارلىق ءمان-جايى انىقتالىپ جاتىر”، — دەپ حابارلادى بقو پوليتسيا دەپارتامەنتى.
ەسكە سالا كەتەيىك، بۇعان دەيىن اقتوبە وبلىسىندا جول اپاتىنان 12 ادام قازا تاپقانىن جازعان ەدىك.
