سەمەيدە جاڭا تۋعان قىزىن قوقىس كونتەينەرىنە تاستاپ كەتكەن اتا-انالارعا سوت ۇكىمى شىقتى، دەپ حابارلايدى "ادىرنا" ۇلتتىق پورتالى كتك-عا سىلتەپ.
ەر ادام ءومىر بويىنا باس بوستاندىعىنان ايىرىلدى، ال ايەل ەكى جىلعا سوتتالىپ، راقىمشىلىققا ءىلىندى.
تەرگەۋ بارىسىندا ايەلدىڭ جۇكتىلىگىن جاسىرىپ، ۇيىندە بوسانعانى انىقتالعان. كەيىن ول نارەستەنىڭ ءولى تۋعانىن ايتقان. الايدا تەرگەۋ مالىمەتتەرى بويىنشا، ءسابي سۋىقتان كوز جۇمعان. نارەستەنى قوقىس كونتەينەرىنە تاستاعان اكەسىنىڭ دە وقيعاعا قاتىسى بارى بەلگىلى بولدى.
سوت شەشىمىمەن ەرلى-زايىپتى ارنايى اتاقتارىنان ايىرىلدى. 21 جاستاعى ايەل ەكى جىلعا باس بوستاندىعىنان ايىرىلعانىمەن، راقىمشىلىققا ءىلىندى.
ال 26 جاستاعى ەر ادام قازاقستان رەسپۋبليكاسى قىلمىستىق كودەكسىنىڭ 99-بابى 3-بولىگى بويىنشا كىنالى دەپ تانىلىپ، ءومىر بويىنا باس بوستاندىعىنان ايىرىلدى. ۇكىمدى سۋديا نياز حاسەنباەۆ شىعاردى.
ايتا كەتەيىك، سوتتالعان ەرلى-زايىپتىنىڭ ەكەۋى دە ىشكى ىستەر ورگاندارىندا قىزمەت ەتكەن.
