فوتو: الماتى قالاسىنىڭ اكىمدىگى
الماتىدا قالدىقتاردى قايتا وڭدەپ، ەلەكتر ەنەرگياسىن وندىرەتىن زاۋىت قۇرىلىسىنىڭ دايىندىق جۇمىستارى ءوز مارەسىنە جەتتى. جاقىن ارادا الاتاۋ اۋدانىندا قۇرىلىس جۇمىستارى باستالادى، دەپ حابارلايدى "ادىرنا".
ستراتەگيالىق ماڭىزى بار بۇل جوبا قىتايدىڭ Junxin Environmental Protection كومپانياسىنىڭ قاتىسۋىمەن جۇزەگە اسىرىلماق. زاۋىت قۇرىلىسىنا قۇيىلاتىن ينۆەستيتسيا كولەمى 280 ميلليون دوللاردان (شامامەن 130 ميلليارد تەڭگە) اسادى.
جوبا الاتاۋ اۋدانىندا سالىنادى جانە قالانىڭ ەكولوگيالىق جاعدايىن جاقسارتۋعا باعىتتالعان زاماناۋي تەحنولوگيالاردى قولدانادى.
اكىمدىك مالىمەتىنشە، جاڭا كاسىپورىن تەك قوقىس پوليگوندارىن ازايتىپ قانا قويماي، قالانىڭ ەنەرگيا جۇيەسىنە قوسىمشا قۋات بەرەدى. زاۋىت ارقىلى تاۋلىگىنە 2 مىڭ تونناعا دەيىنگى قالدىق جانە ەنەرگيا جۇيەسى ءۇشىن 60 مۆت-قا دەيىن قۋات وندىرىلەدى.
بۇل زاۋىت قالدىقتاردى جاعۋ ارقىلى ەلەكتر قۋاتىن الاتىن ەلىمىزدەگى ءىرى نىسانداردىڭ ءبىرى بولماق.
