14 قازاندا رەسەيدىڭ سىرتقى بارلاۋ قىزمەتىنىڭ باسشىسى سەرگەي نارىشكين كابۋلعا بارىپ، «تاليبان» اكىمشىلىگىنىڭ بارلاۋ ۆەدومستۆوسىن باسقاراتىن ابدۋلحاك ۆاسيكپەن كەزدەستى. بۇل تۋرالى اۋعاندىق بۇقارالىق اقپارات قۇرالدارى جازدى، دەپ حابارلايدى «ادىرنا» ءتىلشىسى.
ساپار تۋرالى اۋعان وپپوزيتسيالىق Hasht-e Subh باسىلىمى، Khaama Press اقپارات اگەنتتىگى جانە AtlasPress اگەنتتىگى قىسقاشا اقپارات تاراتقان.
TOOS News باسىلىمىنىڭ مالىمەتىنشە، تاراپتار ەكىجاقتى قارىم-قاتىناستى دامىتۋ، بارلاۋ مالىمەتتەرىمەن الماسۋ جانە قاۋىپسىزدىك سالاسىنداعى ىنتىماقتاستىق ماسەلەلەرىن تالقىلاعان.
الايدا كەلىسسوزدەردىڭ ەگجەي-تەگجەيى مەن ساپاردىڭ ماقساتى ازىرگە جاريالانعان جوق. Hasht-e Subh باسىلىمىنىڭ سوزىنشە، رەسەي مەن اۋعانستاننىڭ رەسمي بيلىك وكىلدەرى بۇل ساپارعا قاتىستى ەشقانداي مالىمدەمە جاساماعان.
